អគ្គីភ័យ​ឆាបឆេះ​ផ្ទះល្វេងប្រជាពលរដ្ឋនៅខណ្ឌដូនពេញអស់ចំនួន៣ល្វេង ប្រជាពលរដ្ឋបង្ហើបប្រាប់ថា បណ្ដាលមកពី....
ស៊ីថា
- 611

ភ្នំពេញ៖​ ផ្ទះប្រជាពលរដ្ឋចំនួន៣ល្វេងជាប់គ្នានៅតាមបណ្ដោយផ្លូវ១៣៦ កែងនិងផ្លូវលេខ១៣ ស្ថិតក្នុងសង្កាត់ផ្សារកណ្ដាលទី១ ខណ្ឌដូនពេញ ត្រូវបានអគ្គីភ័យ​ឆាបឆេះយ៉ាងសន្ធោសន្ធៅ និងខូចខាតទាំងស្រុង ដោយបង្កការភ្ញាក់ផ្អើលដល់បងប្អូនប្រជាលរដ្ឋនិងសមត្ថកិច្ចចេញរថយន្តពន្លត់អគ្គីភ័យជាច្រើនគ្រឿងមកអន្តរាគមន៍ កាលពីវេលាម៉ោង១និង២០នាទី​ ថ្ងៃទី១៤ ខែមិថុនា ឆ្នាំ២០១៨ ។

យោងតាមប្រភពព័ត៌មានពីប្រជាពលរដ្ឋដែលរស់នៅក្បែរកន្លែងកើតហេតុ បានបង្ហើបប្រាប់ឲ្យដឹងថា មុនពេលកើតហេតុ គេលឺសូរផ្ទុះផូងដូចជាកំប៉ុងហ្គេស ហើយក៏ឃើញភ្លើងឆាបឆេះចេញពីផ្ទះលេខ50E0យ៉ាងសន្ធោសន្ធៅតែម្ដង ។ ភ្លាមៗនោះប្រជាពលរដ្ឋបានរាយការណ៍ជូនសមត្ថកិច្ចមូលដ្ឋានឲ្យចុះមកជួយអន្តរាគមន៍ និងយករថយន្តពន្លត់អគ្គិភ័យជាច្រើនគ្រឿងមកបាញ់ពន្លត់យ៉ាងញាប់ដៃញាប់ជើងផងដែរ តែដោយស្ថានភាពភ្លើងឆេះរាលដលដល់ផ្ទះពីរល្វេងជាប់គ្នាលឿនពេក និងពិបាកបាញ់ទឹកបញ្ចូលឲ្យរលត់ផងនោះ ក៏បង្កឲ្យខូចខាតផ្ទះចំនួន៣ល្វេងជាប់គ្នាទាំងស្រុងតែម្ដង ។
ក្នុងនោះដែរ សមត្ថកិច្ចបានប្រើប្រាស់រថយន្តពន្លត់អគ្គិភ័យចំនួន១៥គ្រឿង និងបាញ់ទឹកអស់ចំនួន២០ឡាន ដោយប្រើពេលវេលាជាង១ម៉ោងទើបរលត់ ។
នៅក្នុងហេតុការណ៍អគ្គិភ័យខាងលើនេះ សមត្ថកិច្ចមិនទាន់បញ្ចាក់ពីទំហំនៃការខូចខាតទ្រព្យសម្បត្តិអស់ប៉ុន្មាន និងមូលហេតុបណ្ដាលមកពីអ្វីនោះទេ តែប្រជាពលរដ្ឋដែលនៅក្បែកន្លែងកើតហេតុបានប្រាប់ដូចក្នាថា មកពីផ្ទុះកំប៉ុងហ្គេស ៕
ដោយ៖ ភារ៉ា

Loading...