ភ្នំពេញ ៖​​ កាលពីវេលាម៉ោង២រសៀល ថ្ងៃទី២៤ ខែមិថុនា ឆ្នាំ​២០១៨​ នៅក្នុងព្រៃដីឡូត៍គ្មានលេខ ភូមិតាព្រហ្ម សង្កាត់ព្រែកឯង ខណ្ឌច្បារអំពៅ សមត្ថកិច្ចចុះបង្រ្កាបទីតាំងជល់មាន់ ក្នុងព្រៃដីឡូត៍មួយកន្លែង។ សមត្ថកិច្ចដកហូត បានវត្ថុតាងរួមមាន -មាន់ជល់ ​៤ក្បាល, ម៉ូតូចាស់ ២គ្រឿង (ម៉ាកហុងដាគុបជ្រុងសេ៧០ ពណ៌ខៀវ ពាក់ ស្លាកលេខ ភ្នំពេញ ១H-៤០៩៣, ម៉ាកហុងដាសេដេ ពណ៌ក្រហម ពាក់ស្លាកលេខ ១FD-៣១៦៦)។ -កៅអីជ័រ៧, កន្រ្តកដាក់មាន់១០, ស្បៃមុងសម្រាប់ធ្វើសង្វៀនជល់មាន់១ផ្ទាំង, កញ្ចក់សម្រាប់បាំងជល់មាន់១ផ្ទាំង និងស្គុតសំរាប់រំខ្នាយមាន់មួយចំនួន។ ចំណែកអ្នកមកជល់មាន់ បានរត់គេចខ្លួន បាត់អស់ នៅពេលសមត្ថកិច្ចយើងចុះទៅដល់៕