ភ្នំពេញ ៖ កាលពីល្ងាច ថ្ងៃទី២៥ ខែមិថុនា ឆ្នាំ២០១៨ ម្សិលមិញ ក្នុងរាជធានីភ្នំពេញ ភ្លៀងធ្លាក់ខ្លាំងដោយលាយឡំនិងខ្យល់កន្ត្រាក់ បណ្តាលឲ្យបាក់បង្គោលភ្លើង និងរលំដើមឈើជាច្រើនកន្លែង។ យោងតាមរបាយការណ៍បានឲ្យដឹងថា ទីតាំងខណ្ឌដូនពេញ៖ ១-រលំដើមក្ងោកមួយដើមតូច នៅត្រង់ចំណុចផ្លូវលេខ២១៥ កែងមហាវិថីព្រះនរោត្តម និងទ្រេតដើមអំពិលមួយដើមធំ ខាងមុខផ្ទះលេខ១២អឺ០ ផ្លូវលេខ១៨៤ សង្កាត់ជ័យជំនះ ខណ្ឌដូនពេញ។ ២-រលំបាក់ដើមត្របែកព្រៃមួយដើម នៅត្រង់ចំណុចទល់មុខក្រសួងព័ត៌មាន មហាវិថីព្រះមុន្នីវង្ស សង្កាត់វត្តភ្នំ ខណ្ឌដូនពេញ។ ៣-រលំបង្គោលភ្លើងមួយដើម នៅត្រង់ចំណុចផ្លូវលេខ២១៤ កែងផ្លូវលេខ៥១ ភូមិ៣ (បណ្តាលអោយ សង្កត់លើរថយន្តចំនួន២គ្រឿង និង៥គ្រឿងទៀត ត្រូវបានខ្សែកាបធ្លាក់សង្កត់លើក្បាលរថយន្ត) និងរលំដើមឈើមួយដើម នៅចំណុចផ្លូវលេខ២១៤ កែងផ្លូវលេខ២២២ ភូមិ៣ សង្កាត់បឹងរាំង ខណ្ឌដូនពេញ។ ៤-រលំដើមរំកាញ់ មួយដើមធំ នៅចំណុចផ្លូវលេខ១១៨ កែងផ្លូវលេខ៦១ ភូមិ៥ សង្កាត់ផ្សារថ្មីទី១ ខណ្ឌដូនពេញ (មិនបណ្តាល អោយគ្រោះថ្នាក់ ឬខូចខាតអ្វីទេ)។ ៥-រលំដើមឈើមួយដើមធំ នៅត្រង់ចំណុចខាងមុខផ្សារទំនើបផេនសល ផ្លូវអាចារ្យស្វា ភូមិ២ និងក្ងោកមួយដើមតូច នៅលើសួនច្បារ ក្បែររូបសំណាកសម្តេចតា វិថីសុរាម្រិត សង្កាត់ចតុមុខ ខណ្ឌដូនពេញ។ ដោយឡែននៅខណ្ឌមករា បានរលំដើមឈើចំនួន២ដើមផងដែរ គឺ១.មុខផ្ទះ លេខ១០៤+១០៦ ផ្លូវលេខ១២៨ ភូមិ៣ សង្កាត់មនោរម្យនិង២.ដីឡូត៍ អតីតការិយាល័យនគរបាលចរាចរណ៍ក្រុង ផ្លូវ៩៣ ភូមិ១ សង្កាត់មនោរម្យ៕
.jpg?1711704207)
.jpg?1711518506)
.jpg?1711449474)
.png?1711277130)
.jpg?1711704207)
.jpg?1711518506)
.jpg?1711517593)
.jpg?1711449474)
