រថយន្ត​មួយគ្រឿង​ម៉ាក RAV4 បើកបរ​ក្នុងស្ថានភាព​ស្រវឹង ក៏​រ៉េ​ចង្កូត​ទៅបុក​ថ្ម​ចែកផ្លូវ​ បណ្ដាលឱ្យ​ខូចខាត ​អស់​ចំនួន៣កង់ នៅមុខ​ ក្រសួងមហាផ្ទៃ
-

ភ្នំពេញៈ រថយន្ត​មួយគ្រឿង​ម៉ាក RAV4 បាន​បើក​បុក​ក្បាល​ថ្ម​ចែកផ្លូវ​នៅមុខ​ ក្រសួងមហាផ្ទៃ កាលពី​រំលងអធ្រាត្រឈាន​ចូល​ថ្ងៃទី២៦ ខែមិថុនា ឆ្នាំ២០១៨ តាម​បណ្ដោយ​ផ្លូវ​ ព្រះ​ន​រោ​ត្ដម​ សង្កាត់​ទន្លេរ​បាសាក់​ ខណ្ឌចំការមន ។​ បណ្ដាលឱ្យ​ខូចខាត​អស់​ ចំនួន៣កង់​ នឹង​រថយន្ត​ខ្ទេច​ខាងមុខ​ទាំងស្រុង។ រីឯ​ម្ចាស់​រថយន្ត​រងរបួស​ធ្ងន់​បាន​បញ្ជូនទៅ ​សង្គ្រោះ​នៅ​មន្ទី​រពេទ្យភ្លាម។

មុន​កើតហេតុ​មាន​រថយន្ត​មួយគ្រឿង​ម៉ាក RAV4 ស្លាក់​លេខ ភ្នំពេញ 2AE 6871 បើកបរ​ដោយ​បុរស​ម្នាក់​ពី​ទិសដៅ​ជើង​ទៅ​ត្បូង។ បើកបរ​ក្នុងស្ថានភាព​ ស្រវឹង ​ដោយ​ល្បឿន​លឿន​មិនបាន​ប្រយ័ត្ន ក៏​រ៉េ​ចង្កូត​ទៅបុក​ថ្ម​ចែកផ្លូវ​បណ្ដាលឱ្យ​ខូចខាត​អស់​ចំនួន៣កង់ ។ រីឯ​រថយន្ត​រង​ការខូចខាត​ទាំងស្រុង​ព្រមទាំង​ម្ចាស់​រថយន្ត​រង​បួស​ធ្ងន់ បាន​បញ្ចូនទៅ​មន្ទីរពេទ្យភ្លាមៗ ៕