អាលីយ៉ា៖ ព្រោះតែស្រលាញ់ភាពស្អាត មុនពេលស្លាប់ បានផ្តាំទៅមិត្តភិក្តថា កុំថតរូបនាង ពេលស្លាប់ ព្រោះវាអាក្រក់ នាងចង់ចងចាំនៅអ្វីដែលល្អនៅក្នុងជីវិតចុងក្រោយនេះ...

ភ្នំពេញ ៖ កាលពីថ្ងៃម្សិលមិញ ជាថ្ងៃពិធីបុណ្យសពកញ្ញា អាលីយ៉ា ដែលបានបូជានៅរសៀលម៉ោង៤ល្ងាច រូបកាយរបស់នាងត្រូវព្រះអគ្គី នាំយកទៅគ្មានសល់ អ្វីដែលគួរឲ្យអនិច្ចារនោះ តារាស្រីរូបនេះ លាចាកទាំងវ័យក្មេង ទាំងភាពរងារ។ ខណៈពេលដែលដង្ហែរសពកញ្ញា ក៏មានតារាជាច្រើនបង្ហាញពីអារម្មណ៍ក្តុកក្តួល និងឈឺចាប់បំផុត រហូតរកពាក្យអ្វីមកថ្លែងមិនបាន។ ជីវិតដែលកើតមកពោលពេញទៅដោយភាពរងារ ភាពកំសត់ អាលីយ៉ា បានព្យាយាមគ្រប់សព្វ គ្រប់បែបយ៉ាង។ តាំងពីចាប់កំណើត រហូតដល់វ័យ៣០ឆ្នាំ អាលីយ៉ា មិនដែលទទួលបានអ្វីដែលហៅថា ភាពកក់ក្តៅ នឹងគេបានម្តង ។ខ្សែជីវិតមួយនេះ ពេលនេះក៏បានរសាត់បាត់ឆ្ងាយពីអ្នកទាំងអស់គ្នា ពីរង្វង់សិល្បះ ដែលនាងស្រលាញ់ ពីមិត្តភិក្ត ពីសង្គមមួយនេះ ទៅរស់នៅទីដ៏សែនសុខ។ នៅក្នុងពិធីបុណ្យដ៏គួរឲ្យសោកសង្រែងមួយនេះ ធ្វើឲ្យកញ្ញា ស៊ូ ដាណេ ដែលត្រូវជាមិត្តសំលាញ់ និងជាអ្នកមើលថែកញ្ញា អាលីយ៉ា អំឡុងពេលដែលកញ្ញាសម្រាកនៅក្នុងមន្ទីរពេទ្យនោះ ។ ទន្ទឹមនឹងការចាកឆ្ងាយមួយនេះ តារាចម្រៀង ស៊ូ ដាណេ ក៏បានបង្ហើបប្រាប់ថា តាមពិតទៅ អាលីយ៉ា មិនចង់ឲ្យបងប្អូនថតរូបនាង ក្នុងពេលដែលរូបនាងស្លាប់នោះទេ ព្រោះនាងស្រលាញ់ភាពស្អាត ហើយនឹងចង់ទុកអនុស្សារីយ៍ដែលល្អទៅជាមួយនាងផងដែរ។ តារាចម្រៀងវ័យក្មេងរូបនេះ បន្តទៀតថាទាំងទឹកភ្នែកថា ពេលរស់នៅកំសត់ដល់ម្លឹងហើយ ពេលស្លាប់ទៅក៏នៅតែកំសត់ សូមឲ្យវិញ្ញាណក្ខន្ធមិត្តសំលាញ់ ទៅកាន់សុខគតិភពផងចុះ។ នេះមានន័យថា កន្លងមក អាលីយ៉ា ជាស្រីម្នាក់ដែលស្រឡាញ់ភាពស្អាត ហើយរូបថតជាច្រើនសន្លឹកដែលនាងផុសឃើញថា ជារូបស្អាតៗគួរឱ្យពេញចិត្ត ហើយបើយោងលើប្រវត្តិសិល្បៈ អាលីយ៉ា ជាប់ឈ្មោះជាអ្នកថតស៊ីកាម៉ារ៉ាលេខ១ កាលពីជំនាន់នាងលេចធ្លោ៕