យោងតាមទីភ្នាក់ងារអន្តោប្រវេសន៍អង្គការសហប្រជាជាតិនិង IOM កាលពីថ្ងៃអាទិត្យបានឱ្យដឹងថា ជនអន្តោប្រវេសន៍សរុបចំនួន ២០៤ នាក់បានស្លាប់នៅឯសមុទ្រលីប៊ីនៅចុងសប្ដាហ៍នេះខណៈដែលចំនួនពលករចំណាកស្រុកសរុប ដែលបានលង់ទឹកស្លាប់ នៅក្នុងសមុទ្រមេឌីទែរ៉ាណេ មកដល់ឆ្នាំនេះបានកើនឡើងជាង ១០០០ នាក់។

អង្គការ IOM បាននិយាយនៅក្នុងសេចក្តីថ្លែងការណ៍មួយថា ​ចាប់ពីថ្ងៃសុក្រ​​ ដល់ថ្ងៃអាទិត្យ កន្លងទៅនេះអន្តោរប្រវេសន៍ជិត១០០០នាក់ ត្រូវបានបញ្ជូនត្រឡប់ទៅ កាន់ឆ្នេរលីប៊ីដោយ ឆ្មាំងសមុទ្រ លីប៊ីដែលបានស្ទាក់ចាប់នៅពេលដែលពួកគេធ្វើដំណើរឆ្ពោះទៅកាន់សមុទ្រធំ ។ ទូកកៅស៊ូតូចមួយដែលផ្ទុកជនអន្តោប្រវេសន៍​បានលិច នៅខាង​កើតទ្រីប៉ូលី។ អង្គការ IOM បាននិយាយថាមនុស្សប្រមាណ ៤១នាក់ ត្រូវបានជួយសង្គ្រោះ។ ទារកចំនួន៣នាក់ ស្ថិតក្នុង​ចំណោមជនអន្តោរប្រវេសន៍ ១០៣នាក់ ដែលបានស្លាប់នៅក្នុង​ការលិចនាវាកាលពីថ្ងៃសុក្រ។ ប្រមុខបេសកកម្ម IOM របស់លីប៊ី លោក Othman Belbeisi បាននិយាយថា "មានកាស្លាប់មានការកើនឡើង​គួរឱ្យព្រួយបារម្ភនៅឆ្នេរសមុទ្រលីប៊ី" ។ យោងតាម IOM ជនអន្តោប្រវេសន៍​និងជនភៀសខ្លួនប្រហែល ៤៥.០០០នាក់ បានចូលទ្វីបអឺរ៉ុបនៅតាមសមុទ្រចាប់តាំងពីដើមឆ្នាំនេះ។