នាយករដ្ឋមន្ត្រីថៃ លោក ប្រាយុទ្ធ ចាន់អូចា បានចេញសារខ្លីមួយ អរគុណក្រុមអ្នកជួយសង្គ្រោះជាតិ អន្តរជាតិ និងអ្នកស្ម័គ្រចិត្ត ដែលខិតខំជួយសង្គ្រោះ ក្មេង១៣នាក់ អោយមានជីវិតត្រលប់មកវិញ

ប្រភពពី Bangkok Post បានឱ្យដឹងទៀតថា លោកនាយករដ្ឋមន្ត្រីថៃ ប្រាយុទ្ធ ចាន់អូចា បានចេញសារខ្លីមួយ កាលពីម្សិលមិញ អំពីការរកឃើញក្មេងៗដែលបានខ្លួន ។ លោកបានជូនពរពួកគេឱ្យ «មានសុវត្ថិភាព និងឆាប់ធូរស្រាលមកវិញ» ។

នាយឧត្តមសេនីយ៍ Weerachon Sukhonthapatipak បានមានប្រសាសន៍ដែរថា លោកនាយករដ្ឋមន្ត្រីចេញសារតបឆ្លើយភ្លាមៗថា «ពួកយើងជូនពរឱ្យក្រុមបាល់ទាត់មានសុវត្ថិភាព និងឆាប់ធូរស្រាលដូចដើម» ។ ជាមួយគ្នានេះដែរ លោកប្រមុខដឹកនាំ ក៏បានសម្តែងអំណរគុណដល់ក្រុមអ្នកសង្គ្រោះអន្តរជាតិ និងអ្នកស្ម័គ្រចិត្តទាំងអស់ ដែលបានចួលរួមជួយស្វែងរកអស់រយៈពេល១០ថ្ងៃមកនេះ ។

នាយឧត្តមសេនីយ៍បានបន្តថា៖ “នាយករដ្ឋមន្ត្រី ប្រាយុទ្ធ ចាន់អូចា បានកិច្ចអំណរគុណដល់ការប្រឹងប្រែងជួយស្វែងរកពីសំណាក់ក្រុមការងារអន្តរជាតិ ដែលបានមកជួយចូលរួមជាមួយនឹងក្រុមអាជ្ញាធរថៃ ដើម្បីរកក្មេងៗបាត់ខ្លួន នៅក្នុងរូងភ្នំមួយនៅខេត្ត Chiang Rai» ។ គួរបញ្ជាក់ផងដែរថា ក្មេងៗកីឡាករបាល់ទាត់ និងគ្រូបង្វឹករបស់ពួកគេ ត្រូវបានរកឃើញកាលពីពេលយប់ថ្ងៃចន្ទ នៅចម្ងាយជាង៤០០ម៉ែត្រពីឆ្នេរប៉ាតាយ៉ា ៕