​ភ្នំពេញ ៖ តារា​កំប្លែង​ជើងចាស់ ​លោក​សួន សុខ​ហ៊ី​ម ហៅ​នាយ​ស្មាញ ដែលមានជំងឺដុះសាច់ក្នុងតម្រងនោមតម្រូវឲ្យវះកាត់ ប៉ុន្តែបែរជាសុខចិត្តបណ្តាោយតាមយថាកម្មជីវិតចុងក្រោយ ដោយមិនព្រះវះកាត់នោះឡើយ នេះជាហេតុផលធ្វើឲ្យក្រុមគ្រួសារមិនសប្បាយចិត្តសោះ។

តារាកំប្លែងវ័យ៦៦ឆ្នាំរូបនេះ កំពុង​សម្រាកព្យាបាលជំងឺ ដោយប្រើប្រាស់ថ្នាំ ជាមួយឱសថ​បុរាណ​ខ្មែរ ដោយរំពឹងថានឹងអាចជួយជីវិតបានតទៅមុខទៀត។ ក្រោយពីការព្យាបាលដោយប្រើប្រាស់ថ្នាំបុរាណកន្លងមក តែនៅតែមិនបានធូរស្បើយ នាយស្មាញ និងគ្រុមគ្រួសារក៏បាន​សម្រេច​ចូល​ទៅ​ព្យាបាល​នៅ​ក្នុង​មន្ទីរពេទ្យ​ព្រះ​កេតុមាលា​ ដោយមានក្រុមគ្រូពេទ្យ​ស្ម័គ្រចិត្ត​សម្តេច​តេ​ជោ និងការជួយជ្រោមជ្រែងពីសំណាក់នាយ​ក្រឹម និង​នាយ​កុយផងដែរ។ ស្ថានភាពកាន់តែវិវត្តន៍ទៅមុខ ហើយតម្រូវឲ្យធ្វើការវះកាត់ជាចាំបាច់ ដោយតារាសម្តែងជើងចាស់រូបនេះ នៅតែមិនព្រមទទួលការវះកាត់ ដោយសារតែដុំសាច់ដែលដុះមកនោះកាន់រីកធំឡើងៗហើយ។ យ៉ាងណាមិញតារាកំប្លែងជើងចាស់រូបនេះ នៅតែមិនព្រមទទួលការវះកាត់ នោះទេ ដោយសារ​តែ​លោក​ភ័យ​ខ្លាច។ តារាកំប្លែងរូបនេះ ក៏បានប្រាប់ថា មនុស្ស​ណាមួយ​នៅ​ពេល​ដែល​ខ្លួន​មាន​ជំងឺ​ដ៏​កាច​សាហាវ​នេះ​ឡើយ ដោយសារ​តែ​លោក​ក៏​មាន​អាយុ​កាន់​តែ​ចាស់ បើ​ទោះបីជា​ត្រូវ​ស្លាប់​នៅ​ពេល​ណាមួយ​នោះ គឺជា​ព្រហ្ម​លិខិត​ដែល​មនុស្ស ម្នាក់​ៗ​​មិន​អាច​គេច​ផុត​ពី​វា​ឡើយ ។ ដោយ៖​ និមល