ថៃ កំពុងដំឡើងអ៊ីនធឺណិតនៅក្នុងល្អាងភ្នំ Tham Luang ព្រោះល្អាងភ្នំនេះ នឹងក្លាយជាទីតាំងទាក់ទាញភ្ញៀវទេសចរ នាពេលខាងមុខ

អាជ្ញាធរថៃ កំពុងសហការជាមួយនឹងកងទ័ពជើងទឹកក្នុងប្រទេស ដើម្បីរិះរកវិធីដំណើរការប្រព័ន្ធអ៊ីនធឺណិត Fiber optic នៅក្នុងល្អាងភ្នំ Tham Luang ដែលកំពុងរងគ្រោះដោយទឹកជំនន់។ គម្រោងនេះ ធ្វើឡើងខណៈដែលក្មេងៗជាកីឡាករបាល់ទាត់ចំនួន ១២នាក់ និងគ្រូបង្វឹកម្នាក់ កំពុងជាប់គាំងខ្លួននៅទីនោះមិនទាន់អាចចេញទៅណារួច។

លោក Phoowanart Keawdum អ្នកបច្ចេកទេសផ្នែកទំនាក់ទំនង បានឲ្យដឹងនៅថ្ងៃនេះថា នៅពេលខ្សែកាបអ៊ីនធឺណិតត្រូវបានតភ្ជាប់ នោះការហៅទូរសព្ទចេញចូលនៅក្នុងល្អាងនឹងអាចដំណើរការទៅបាន។អាជ្ញាធរថៃ បានព្យាយាមដាក់អ៊ីនធឺណិតនៅល្អាង Tham Luang ដែរកាលពីម្សិលមិញ (៣ កក្កដា២០១៨) តែមិនទទួលបានជោគជ័យទេព្រោះឧបករណ៍ត្រូវបានបំផ្លាញដោយទឹកជំនន់។

ល្អាងភ្នំ Tham Luang ដែលក្មេងៗចំនួន ១២នាក់ និងគ្រូបង្វឹកម្នាក់ បាត់ខ្លួន/ រូបភាព៖ Reuters គួររំលឹកថា ក្មេងៗដែលមានអាយុចន្លោះពី ១១ ដល់ ១៦ឆ្នាំ ចំនួន១២នាក់ រួមទាំងគ្រូបង្វឹកម្នាក់វ័យ២៥ឆ្នាំ បានបាត់ខ្លួននៅក្នុងល្អាងភ្នំ Tham Luang ដែលស្ថិតនៅក្នុងភាគខាងជើងខេត្តឈៀងរ៉ៃ កាលពីល្ងាចថ្ងៃសៅរ៍ ទី២៣ ខែមិថុនា ឆ្នាំ២០១៨។ ក្រោយការរុករកអស់ជាច្រើនថ្ងៃ ក្រុមអ្នកជួយសង្គ្រោះថៃ និងបរទេស ក៏បានរកឃើញពួកគេវិញ នៅយប់ថ្ងៃទី២ ខែកក្កដា ឆ្នាំ២០១៨។ បើទោះជាយ៉ាងនេះក្ដី ពួកគេមិនទាន់អាចចាកចេញពីល្អាងភ្នំភ្លាមនោះទេ ព្រោះផ្លូវចេញចូលកំពុងលិចលង់ដោយភក់ល្បាប់ និងទឹកជំនន់។ ការដែលអាចចេញមកក្រៅវិញបាន ទាល់តែពួកគេរៀនជ្រមុជទឹកជាមុនសិន តែវាជារឿងមួយដែលអាចប្រឈមនឹងគ្រោះថ្នាក់ខ្លាំងចំពោះពួកគេ។ បើមិនដូច្នោះទេ ពួកគេត្រូវរង់ចាំនៅក្នុងល្អាងភ្នំរយៈពេលយូររហូតដល់ទៅ ៤ខែឯណោះ ទម្រាំផុតរដូវទឹកលិច។ ល្អាងភ្នំ Tham Luang នៅថៃ នឹងក្លាយជាទីតាំងទាក់ទាញភ្ញៀវទេសចរ នាពេលខាងមុខ

ក្មេងទាំង១២ នាក់ និងគ្រូបង្វឹក ត្រូវបានរកឃើញនៅមានជីវិត ដោយក្រុមជួយសង្គ្រោះ/ រូបភាព៖ FB Thai Navy Seal កងទ័ពជើងទឹកថៃ កំពុងបន្តបញ្ចេញវីដេអូរបស់ក្មេងៗ ដែលកំពុងជាប់គាំងខ្លួន ដើម្បីបង្ហាញពីស្ថានភាពរបស់ពួកគេទៅកាន់សាធារណជន។ វីដេអូ២ចុងក្រោយដែលទើបបង្ហោះកាលពីព្រឹកថ្ងៃពុធនេះ បង្ហាញពីសកម្មភាពកងទ័ពជើងទឹកកំពុងព្យាបាលរបួសជើងបន្តិចបន្តួចរបស់ក្មេងៗ។ ក្មេងៗ និងគ្រូបង្វឹករបស់ពួកគេ បានប្រាប់ថា ពួកគេនៅមានសុខភាពល្អជានោះទេ៕