លោក តាន់ គីមសួរ ក្រោយពីឃើញវីដេអូឃ្លីប របស់ព្រះសង្ឃមួយអង្គ ដែលអង្គុយជក់បារី និងច្រៀងរ៉េបដូចក្មេងស្ទាវ ដោយគ្មានញញើតអ្វីបន្តិច ធ្វើឲ្យអ្នកលេងបណ្តាញសង្គមហ្វេសប៊ុកមានការតិ្មះដៀល និងជេរប្រទិចយ៉ាងចាស់ដៃទៅលើសង្ឃឥតសីលរូបនោះ និងសូមឲ្យសមត្ថកិច្ច និងក្រសួងពាក់ព័ន្ធចេញវិធានការចាប់លោកសង្ឃមួយអង្គនេះផង។ ជាក់ស្តែងបើយោងតាមហ្វេសប៊ុករបស់លោក តាន់ គីមសួរ បានបង្ហោះសារថា"ខ្ញុំថាមិនចង់ចែករំលែកទេ តែឃើញប្រជាជនយើងដៀលខ្លាំងពេកចំពោះព្រះសង្ឃ និងសាសនាទាំងមូលរបស់យើង។ សូមកុំដោយសារតែអាឆ្កួតនេះតែម្នាក់ ជេរប្រមាថមើលងាយដល់ព្រះសង្ឃ និងសាសនារបស់យើងអី។ សូមសមត្ថកិច្ចចាប់បញ្ជូនអាបំផ្លាញសាសនានេះញាត់គុក"។ យ៉ាងណាមិញ មកដល់ពេលនេះគេមិនទាន់បានកំណត់អត្តសញ្ញាណព្រះសង្ឃស្ទាវរូបនេះនៅឡើយទេ។