ថៃ៖ ដើម្បីបង្កភាពងាយស្រួយក្នុងការស្វែងរកក្មេងៗដែលបាត់ក្នុងល្អាងភ្នំក្រុមការងារសម្រេចចិត្តប្រើម៉ាស៊ីនទឹកបូម ជាច្រើនគ្រឿងដើម្បីបូមទឹកនៅខាងក្នុងល្អាងភ្នំចេញមកខាងក្រៅតែការធ្វើបែបគឺបានបំផ្លាញផលដំណាំនិងដីស្រែ ចំការជាច្រើនរ៉ៃរបស់កសិករ ។ ពីមួយថ្ងៃទៅមួយថ្ងៃទឹកដែលបូមចេញមកកាន់ច្រើនឡើងៗរហូតធ្វើឱ្យតំបន់ដីស្រែចំការទាបៗប្រែក្លាយជាទន្លេសាបដ៏ធំល្វឹងល្វើយបំផ្លាញដំណាំខាតបង់ មិនមាន អ្វី នៅសល់ សោះឡើយ ។

ទោះជា យ៉ាងនេះក្តីម្ចាស់ចំការម្នាក់ៗបានបញ្ចេញអារម្មណ៍ក្នុងចិត្តថាពួកគាត់ពិតជាស្តាយ និងអាណិតដំណាំដែល ខូចខាតដោយសារទឹកតែអារម្មណ៍មួយទៀតក៏រីករាយ ព្រោះជីវិតមនុស្សទាំង១៣ដែលកំពុងជាប់ក្នុងល្អាងភ្នំគឺ សំខាន់ជាង ហើយបើទោះជាត្រូវបូមទឹកចេញបង្កឱ្យលិចខ្លាំងជាងនេះទៀតក៏មិនអីដែរ។ ទាក់ទង នឹង ការខូចខាតស្រែចំការរបស់កសិករក្នុងហេតុការណ៍នេះក្រសួងកសិករនិង សហករមិនឈរឱបដៃមើលឱ្យម្ចាស់ចំការរងការខូចខាតតែម្ខាងនោះទេព្រោះខាងក្រសួងក៏បានត្រៀមទឹកប្រាក់ចំនួនដល់ទៅ៥០លានបាត ( ប្រហែល ១៥០ ម៉ឺន ដុល្លារ ) ដើម្បី ដោះស្រាយការខូចខាតមានការបញ្ចូនកម្លាំងការងារចុះទៅជួយដោះស្រាយព្រមទាំងចែកជូនគ្រាប់ពូជសម្រាប់ដាំដុះជាថ្មីផងដែរ៕