ប្រទេសថៃ ៖ ពួកអ្នកជួយសង្គ្រោះរាយការណ៍ នាថ្ងៃទី៦ កក្កដា ថា មនុស្សម្នាក់ស្លាប់ ហើយមនុស្ស៥៣នាក់ទៀតបាត់ខ្លួន ពិសេសពួកអ្នកដំណើរចិន ក្រោយការលិចនាវា១គ្រឿង មានមនុស្សជិះ៩០នាក់ ក្នុងដែនទឹកនៃកោះទេសចរណ៍ភូកេតថៃ។ អភិបាលខេត្ត ភូកេតលោក NORAPHAT PLODTHONG ថ្លែងទៅកាន់សារព័ត៌មានថា យើងបញ្ចប់ប្រតិបត្តិការជួយសង្គ្រោះ ហើយប្រប្រតិបត្តិការនោះចាប់ផ្ដើមឡើងវិញនាពេលព្រឹក។សាកសពបុរសម្នាក់ពាក់អាវពោងជាមួយLOGOនាវាឈ្មោះPHOENIKត្រូវបានស្រង់ចេញពីទឹកសមុទ្រ។បណ្ដារូបភាពផ្សាយដោយ ការិយាល័យទេសចរណ៍កោះភូកេតបង្ហាញសាកសពនោះកំពុងនាំមកកាន់ច្រាំង។ជនរងគ្រោះត្រូវបានរកឃើញនៅជិតកោះមួយក្នុងដែនទឹកនៃកោះភូកេត។នាវានោះដែលដឹកមនុស្ស៩០នាក់ វិលត្រឡប់មកកោះភូកេតវិញ មកពីកោះ RACHA ហើយរងការវាយប្រហារភ្លាមៗដោយព្យុះមួយ។ កាពីតែននាវានេះលោកSOMJING BOONTHAM និយាយថា រលកមួយមានកម្ពស់ដល់៥ម៉ែត្របោកលើនាវា ដែលចាប់ផ្ដើមលិច។លោកបានបញ្ជាឲ្យអ្នកដំណើរទាំងអស់ពាក់អាវពោងហើយនាំគ្នាចុះទៅកាន់កាណូតកៅស៊ូជួយសង្គ្រោះ។អ្នកដំណើរទាំងអស់សុទ្ធតែជាជនជាតិចិន លើកលែងតែ២នាក់ជាជនជាតិលោកខាងលិច។ យោងតាមអភិបាលខេត្តថា អាជ្ញាធរកោះភូកេតកាលពីថ្ងៃទី៤កក្កដា បានចេញការប្រកាសពីខ្យល់ព្យុះនិងពីគ្រោះថ្នាក់នៃធាតុអាកាសអាក្រក់ក្នុងសមុទ្រ។លោកគូសបញ្ជាក់ថាប៉ូលិសនិងកងម៉ារីនបានជួយសង្គ្រោះនាវា១០គ្រឿងទៀតដែលជួបការលំបាកក្នុងសមុទ្រ។ នាវា២គ្រឿងទៀតបានលិចនាថ្ងៃទី៥កក្កដាក្នុងតំបន់ដដែលនោះ។នាវាកម្សាន្ត១គ្រឿងឈ្មោះ SENERITA ដែលដឹកមនុស្ស៣៩នាក់បានលិចក្នុងសមុទ្រឆ្ងាយ។ក្នុងករណីទាំង២នោះអ្នកដំណើរទាំងអស់សុទ្ធតែសុខសប្បាយ។ ទីភ្នាក់ងារព័័ត៌មានចិនសីុហគូសបញ្ជាក់ថា ស្ថានកុងស៊ុលចិននៅសុងក្លា ត្រូវបានអាជ្ញាធរមូលដ្ឋានរាយការណ៍ប្រាប់ថា នាវា២គ្រឿងជាមួយជនជាតិចិនជិះក្នុងនោះបានលិច និងថា ការខិតខំប្រឹងប្រែងនានាកំពុងធ្វើដើម្បីជួយសង្គ្រោះ។ស្ថានកុងស៊ុលនេះគូសបញ្ជាក់ថា មានអ្នកទេសចរចិនច្រើននាក់ជិះក្នុងនោះ។ភាគច្រើននៃអ្នកដំណើរទាំង១៣៣នាក់ដែលជិះលើនាវា២គ្រឿងលិចដោយសាររលកធំៗក្នុងសមុទ្រនាភាគខាងត្បូងថៃ សុខសប្បាយទាំងអស់គ្នា៕
.jpg?1711517593)
