នេះបានហៅថាអ្នកមានចិត្តផ្លើម!!! ការណីហឹង្សា ប្តីបានវាយប្រពន្ធឡើងសម្លប់ នៅផ្លូវសាធារណះ តែមិនមានសមត្ថកិច្ច ដូចជាប្រជាពលរដ្ឋ ណាមកជួយនារីរងគ្រោះឡើយ.....(មានវីដេអូ)

ភ្នំពេញៈ ប្រភពព័ត៌មានពីកន្លែងកើតហេតុបានឲ្យដឹងថា ប្តីបានវាយប្រពន្ធ អស់រយៈពេលប្រហែលកន្លះម៉ោងហើយ។ ស្ត្រីគ្រោះនោះបានស្រែកឲ្យគេជួយ និងបាននិយាយថា «សូមបងប្អូនជួយផង ប្រសិនបើខ្ញុំទៅជាមួយគាត់ ប្រាកដជាគាត់សម្លាប់ខ្ញុំហើយ»។

នារសៀលថ្ងៃទី៦ ខែកក្កដា ឆ្នាំ២០១៨ ស្ថិតនៅភូមិដើមថ្ងាន់ សង្កាត់ទួលសង្កែ ខណ្ឌឬស្សីកែវ ដោយពុំមានការអើពើជួយ សង្គ្រោះ ស្ត្រីរងគ្រោះពីសំណាក់សមត្ថកិច្ច ក៏ដូចជាប្រជាពលរដ្ឋនៅទីនោះឡើយ ពោលម្នាក់ៗបានត្រឹមតែនាំគ្នាឈរមើលតែប៉ុណ្ណោះ។

ទោះបីស្ត្រីរងគ្រោះខំស្រែកប៉ុណ្ណាក៏ដោយ ក៏គ្មាននរណាម្នាក់ហ៊ានចូលទៅជួយនោះដែរ ហើយហេតុការណ៍នេះមិនមានការអន្តរាគមន៍ ពីសំណាក់សមត្ថកិច្ចមូលដ្ឋានឡើយ ខណៈដែលបុរសជាប្តីបានវាយស្ត្រីរងគ្រោះរហូតទាល់តែសន្លប់ឈឹង និងបានលើកដាក់លើម៉ូតូ (មិនស្គាល់ម៉ាក) ពាក់ស្លាកលេខភ្នំពេញ 1AR-5486 រួចជិះចេញគេចខ្លួនបាត់ស្រមោលតែម្តង។ គ្មាននរណាម្នាក់ស្គាល់អត្តសញ្ញាណប្តី និងប្រពន្ធទាំង២នាក់នោះទេ ព្រោះក្រោយកើតហេតុភ្លាមបុរសជាប្តីបានលើកដាក់លើម៉ូតូ រួចបើកគេចខ្លួនបាត់ស្រមោលតែម្តង៕