ថៃ៖ ថ្ងៃទី៨ខែកក្កដាឆ្នាំ២០១៨នេះជាថ្ងៃដ៏ពិសេសបំផុតដោយប្រតិបត្តិការនាំកុមារ១២នាក់និងគ្រូបង្វឹកបាល់ទាត់ពួកគេជាប់ក្នុងរូងភ្នំទឹកលិចចាប់តាំងពី១៥ថ្ងៃមកហើយនៅថៃទីបំផុតចាប់ផ្ដើមនាថ្ងៃទី៨កក្កដានេះហើយ។

ក្រោយរយៈពេលច្រើនថ្ងៃនៃការពន្យារពេលមកពីគ្រោះថ្នាក់ខ្លាំងបំផុតជាមួយការត្រូវធ្វើដំណើរប្រើពេលយូរដោយមុជទឹកក្មេងទាំងនេះត្រូវត្រៀមប្រឈមគ្រប់ឧបសគ្គ។នេះជាការអះអាងរបស់លោកNARONGSAKOSOTTANAKORNប្រមុខប្រតិបត្តិការជួយសង្គ្រោះក្នុងសន្និសីទសារព័ត៌មានមួយ។ អ្នកទទួលខុសត្រូវរូបនោះបានបញ្ជាក់ថាកុមារដំបូងគេត្រូវនាំចេញនាវេលាម៉ោង២១យប់ម៉ោងក្នុងស្រុក។ហើយលោកប្រកាសពីការចេញដំណើរទៅរកកុមារទាំងនោះរបស់អ្នកឯកទេសកម្រិតពិភពលោកចំនួន១៣នាក់ដែលមកពីប្រទេសមានឯកទេសខាងគុហាវិទ្យា។ រហូតមកទល់ពេលនេះ ដោយយោងតាមប្រភពពត៌មានពីសុីអិនអិន​ដែលបានយោងសម្តីរបស់អ្នកជួយសង្រ្គោះរបស់សហរដ្ឋអាមេរិកបានឲ្យដឹងថា​​បេសកម្ម​ជួយសង្រ្គោះ​ក្មេងៗរបស់ថៃទាំង​១៣នាក់​ដែលបានជាប់ក្នុងរោងភ្នំច្រើនថ្ងៃពេលនេះត្រូវបានបញ្ចប់ហើយ។ ការជួយនេះត្រូវបានសម្រេច​ដោយបានបញ្ចប់៣០នាទី​មុនពេលរំពឹងទុកដោយត្រូវបានចំណាយពេលអស់ប្រហែលជា​៦ម៉ោង៕