ប្អូនប្រុសជាពលករស្រុកគេហើយត្រូវបាត់បង់ដៃម្ខាង បានរៀបរាប់ទាំងទឹកភ្នែកថា "ពេលដែលខ្ញុំបាត់បង់ដៃម្ខាង ខ្ញុំអស់សង្ឃឹម និងមានគំនិតចង់សម្លាប់ខ្លួន តែពេលបានស្តាប់បងៗមកពីប្រទេសគេ អ្នកខ្លះបាត់បង់ដៃ អ្នកខ្លះគ្មានជើង តែពួកគាត់នៅតែរស់បាន ចុះចំណែកខ្ញុំគ្រាន់តែបាត់បង់ដៃម្ខាង ហេតុអីត្រូវមានគំនិតនេះទៅវិញ"...
កាលពីថ្ងៃម្សិលមិញ ម្ចាស់គណនីហ្វេសប៊ុកដែលមានឈ្មោះថា KPack បានរៀបរាប់ទាំងក្តីសង្ឃឹមក្នុងខ្សែជីវិតថ្មី ក្នុងស្ថានភាពជាជនពិការ ដោយរស់នៅពិតជាពិបាកខ្លាំងណាស់ តែយ៉ាងណាមិញ បងប្រុសនៅតែតស៊ូ។ បងប្រុសបាននិយាយថា "មានបងប្រុសម្នាក់គាត់តែងតែ លើកទឹកចិត្ត តែងតែផ្តល់ភាពវិជ្ជាមានជានិច្ច កាលពីដំបូងគឺប្អូនប្រុសគាត់ហាក់មានភាពអស់សង្ឃឹមបាត់ទៅហើយ ហើយរូបគាត់តែងតែមានគំនិតគិតខ្លី តែនៅពេលដែលបានស្តាប់ពីរឿងរ៉ាវជាច្រើន ដែលទាក់ទងនិងជីវិតរបស់គាត់ មានជនជាតិជាច្រើនដែលគ្មានដៃ គ្មានជើង តែពួកគាត់ក៏អាចរស់នៅបាន ចុះយើងគ្រាន់តែបាត់បង់ដៃមួយចំហៀង ហេតុអីថាមិនអាចរស់នៅបាន????"។ ម្ចាស់គណនីហ្វេសប៊ុកបានរៀបរាប់ទៀតថា "ខ្សែរជីវិតពលករខ្មែរនៅកូរ៉េដែលបានជួបគ្រោះថ្នាក់ដាច់ដៃ។ ព្រះអើយកំសត់ណាស់ បងប្អូនខ្មែរយើងប្រយ័ត្នប្រយែងផងក្នុងពេលបំពេញការងារ"៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។
