ភ្នំពេញៈ ភ្ញាក់ផ្អើល​កើតឡើង​នៅវេលា​ម៉ោង១០ៈ២០នាទី​យប់ ថ្ងៃទី៧ ខែកក្កដា ឆ្នាំ២០១៨នេះ នៅ​ចំណុច​ស្តុ​ប​ចំហៀង​ស្ថានទូត​វៀតណាម តាម​បណ្ដោយ​ផ្លូវ​ព្រះមុនីវង្ស ស្ថិតក្នុង​សង្កាត់​ទន្លេបាសាក់ ខណ្ឌចំការមន រាជធានី​ភ្នំពេញ។

បុរស​នារី៣នាក់ រួម​ដំណើរ​ជាមួយ​បុរស​សង្ហារ​ម្នាក់ ដែលជា​អ្នកបើករថយន្ត​ស៊េរី​ទំនើប TUNDRA បាន​បើក​វ៉ា​ស្ដាំ​ទៅ​ប៉ះ​រថយន្ត Highlander រួច​បន្ថែម​ល្បឿន​យ៉ាង​លឿន ទៅដល់​ស្តុ​ប​ក្បែរ​ស្ថានទូត​វៀតណាម ក៏​ជាន់​ហ្វ្រាំង​ឈប់​ស្ងៀម​កណ្ដាលផ្លូវ ធ្វើ​ឲ្យ​រថយន្ត Highlander កំពុងបើក​ដេញតាម ជ្រុល​ទៅបុក​គូទ​ពីក្រោយ​វិញ ទើប​ភាគី​ទាំងសងខាង ចុះមក​ប្រកែក​គ្នា រហូត​ក្លាយជា​ជម្លោះ រក​វាយ​ម្ចាស់​រថយន្ត Highlander ឃើញ​ទិដ្ឋភាព​ដូច្នេះ​អ្នកសារព័ត៌មាន​ដែល​កំពុង​ឆ្លងកាត់​ឃើញ ក៏​ចុះទៅ​សួរនាំ រួច​ក៏​ថត​ពី​សកម្មភាព ត្រូវបាន​ជនបង្ក​មកឃាត់​មិន​ឲ្យ​ថត​ថែម​ទៀតផង។ មុនពេល​កើតហេតុ គាត់​កំពុងបើក​រថយន្ត Highlander ពណ៌​ឈាមជ្រូក ពាក់​ស្លាក​លេខ​ភ្នំពេញ 2AN-1837 រួម​ដំណើរ​ជាមួយ​ប្រពន្ធ និងកូនតូចៗរបស់គាត់ មកពី​ខេត្តស្វាយរៀង​វិញ បានធ្វើ​ដំណើរ​តាមផ្លូវ​ជាតិ​លេខ១ មកដល់​ចំណុច​ហួស​វត្ត​និរោធ​ន៍ ខណ្ឌ​ច្បារអំពៅ ស្រាប់​តែមាន​រថយន្ត​ស៊េរី​ទំនើប​មួយគ្រឿង ម៉ាក TUNDRA ពណ៌​ស ពាក់​ស្លាក​លេខ​ភ្នំពេញ 2AK-7809 បើកបរ​ដោយ​បុរស​ម្នាក់ ទំនងជា​ស្រវឹងស្រាស្រឿងៗផង និង​បុរស​នារី៣នាក់​រួម​ដំណើរ​ជាមួយគ្នា បាន​បើក​មក​វ៉ា​ស្ដាំ រួច​ក៏​ប៉ះ​រថយន្ត​របស់គាត់​ចំ​ត្រង់​កាង​មុខ​ចំហៀង​ខាងស្ដាំ ទើប​គាត់​ខំ​ចុច​ស៊ី​ផ្លេ​ឲ្យ​ឮ​ក៏ដោយ ក៏​រថយន្ត​បង្ក បាន​បន្ថែម​ល្បឿន​បំណង​បើក​រត់ ទើប​គាត់​បើករថយន្ត​ដេញតាម រហូតដល់​ជិត​ដល់​ស្តុ​ប​ក្បែរ​ស្ថានទូត​វៀតណាម រថយន្ត​បង្ក​ក៏​ជាន់​ហ្វ្រាំង​ឈប់​ស្ងៀម​កណ្ដាលផ្លូវ ធ្វើ​ឲ្យ​រថយន្ត​របស់គាត់ ជ្រុល​ទៅបុក​គូទ​ពីក្រោយ​វិញ ទើប​ម្ចាស់​រថយន្ត​បង្ក​ចុះមក​ប្រកែក​តឹងសរសៃក​ដាក់គ្នា រហូត​ក្លាយជា​ជម្លោះ ដោយ​អ្នកបើករថយន្ត TUNDRA បាន​រុញ​ក អ្នកបើករថយន្ត Highlander ទើប​គាត់​ខឹងសម្បារ​យ៉ាងខ្លាំង រហូត​ប្រតាយប្រតប់​គ្នា​ឡើង​តែម្ដង រួច​ដើរ​ឡើង​ទៅលើ​រថយន្ត​វិញ ហើយ​មាន​អ្នកសារព័ត៌មាន ដែល​កំពុង​ឆ្លងកាត់​ឃើញ ក៏​ចុះទៅ​សួរនាំ​រួច​ក៏​ថត បែរជា​មកឃាត់​អ្នកសារព័ត៌មាន មិន​ឲ្យ​ថត​ទៀត ទើប​បង្ក​ការភ្ញាក់ផ្អើល​តែម្ដង។ អ្នកសារព័ត៌មាន​ម្នាក់​ជិះ​ម៉ូតូ​ឆ្លងកាត់​បានឃើញ​ហេតុការណ៍​នោះ​ក៏​ចុះសាកសួរ រួច​ថត គ្រាន់តែ​ឃើញ​អ្នកសារព័ត៌មាន ស្រាប់តែ​បុរស​សង្ហា ដែលជា​អ្នកបើករថយន្ត TUNDRA ស្ទុះ​ទៅ​ចាប់​ទូរស័ព្ទ​របស់​អ្នកសារព័ត៌មាន តែ​ចាប់​មិនបាន ទើប​ខឹង​ច​ង្អុ​រ​មុខ​អ្នកសារព័ត៌មាន និង​ហាម​មិនអោយ​ថត បង្ក​ការភ្ញាក់ផ្អើល​យ៉ាងខ្លាំង ។ មួយសន្ទុះ​ក្រោយមក​ក៏មាន​សមត្ថកិច្ច​មូលដ្ឋាន និង​អ្នកសារព័ត៌មាន​ជាច្រើន​បាន​មកដល់​កន្លែងកើតហេតុ​ដែរ ទើប​ភាគី​ម្ចាស់​រថយន្ត TUNDRA ឆ្លើយ​ដោះសារ​ប្រាប់​អ្នកសារព័ត៌មាន​ថា ថា​ខ្លួន​មិនដឹងថា គាត់​បើក​ប៉ះ​ទេ ដោយ​ឃើញ​រថយន្ត Highlander ស៊ី​ផ្លេ​ពេក ទើប​គាត់​បន្ថែម​បើក​ចេញមក ហើយ​ក៏បាន​សុំទោស​អ្នកសារព័ត៌មាន ដែល​គាត់​ខឹង​មួយ​ឆាវ ទើប​ស្ទុះ​ទៅ​ចង់​ចាប់​ទូរស័ព្ទ​របស់​អ្នកសារព័ត៌មាន​នោះ ទើប​ភាគី​រថយន្ត​បង្ក​គាត់​ព្រម​សង១០០ដុល្លារ​ទៅអោយ​ភាគី​រងគ្រោះ តែ​ភាគី​រងគ្រោះ​ទាមទារ​សំណង១៥០ដុល្លារ ។ ក្រោយ​ពល​កើត​បន្ទាប់ពី​មានការ​សម្របសម្រួល​ពី​សមត្ថកិច្ច​ជិត​កន្លះ​ម៉ោង​ទើប​ភាគី​រថយន្ត Highlander ឈប់​ខឹង ព្រម​ទទួល​សំណង​ចំនួន១២០$ ពី​ម្ចាស់​រថយន្ត TUNDRA ដើម្បី​បញ្ចប់រឿង​នៅ​កន្លែងកើតហេតុ​តែម្ដង៕ ប្រភពៈ កូន ខ្លាតូច