កំពង់ធំ ៖ តារាចម្រៀងប្រចាំផលិតកម្មថោន កញ្ញា និរ័ត្ន បានធ្វើឲ្យទស្សនិកជនជាច្រើន មានការភ្ញាក់ផ្អើលជាខ្លាំង បន្ទាប់ពីបានឃើញរូបភាពប៉ុន្មានសន្លឹករបស់នាង នៅលើបណ្តាញសង្គមហ្វេសប៊ុក។ កាលពីពេលថ្មីៗនេះ នៅក្នុងបណ្តាញសង្គមរបស់កញ្ញា និរ័ត្ន ដោយយោងទៅតាមរយៈរូបភាពប៉ុន្មានសន្លឹក កាលពីថ្ងៃទី៧ ខែកក្កដា ឆ្នាំ២០១៨ កញ្ញា និរ័ត្ន បានសម្រេចចិត្តភ្ជាប់ពាក្យយ៉ាងសាមញ្ញជាមួយគូដណ្ដឹងរូបសង្ហា បន្ទាប់ពីអ្នកទាំងពីរបានមើលចិត្តថ្លើមគ្នាអស់រយៈពេលជាយូរឆ្នាំមកហើយ។ យ៉ាងណាមិញ​ ចំពោះដំណឹងល្អនេះ មានប្រិយមិត្តនិងអ្នកគាំទ្រជាច្រើន បានសំដែងការរីករាយ និងសារជូនពរ ពីសំណាក់មហាជនផងដែរ។