ភ្នំពេញ៖ ស្របពេលមានបណ្តាញសង្គមជាច្រើនបានចុះផ្សាយពីតារាចម្រៀង លោក ចាន់ សម័យ ដែលកំពុងជួបការលំបាកផ្នែកហិរញ្ញវត្ថុ និងខ្លួនប្រាណរួមរឹតដោយជំងឺផងនោះ ខណៈពេលនេះរូបលោកក៏បានជួបនូវលាភសំណាងឡើងវិញ នៅពេលដែលក្រុមហ៊ុនអចលនទ្រព្យធំមួយ បានអនុញ្ញាតិឲ្យលោកចូលបម្រើការងារនៅទីនោះ ជាហេតុនាំឲ្យលោកមានទឹកមាត់លេបឡើងវិញ ដោយសង្ឃឹមថា «ថ្ងៃថ្មីអ្វីៗ ក៏ថ្មី ជាក្រុមហ៊ុននេះ»។ សម្រាប់ដំណឹងល្អមួយនេះ ចំពោះតារាចម្រៀងលោក ចាន់ សម័យ បង្ហើបថា ត្រូវចូលធ្វើការថ្ងៃនោះទេ គ្រាន់តែលោកប្រាប់ថា «ពេលឆាប់ៗខាងមុខនេះ»។