ភ្នំពេញ៖ តួឯកស្រីល្បីប្រចាំប្រទេសថៃ កញ្ញា Bella Ranee​ ដែលទទួលបានការចាប់អារម្មណ៍យ៉ាងខ្លាំង និងជាតួឯកនៅក្នុង «បុព្វសន្និវាស» មានឈ្មោះ ការ៉ាកេត បានធ្វើដំណើរមកដល់ប្រទេសកម្ពុជាយើង ដោយសុវត្ថិភាព នៅព្រលានយន្តហោះអន្តរជាតិភ្នំពេញ។ ក្នុងនោះ ក៏មានហ្វេនកម្ពុជាជាច្រើន បានទៅសម្ដែងការស្វាគមន៍ និងគាំទ្រយ៉ាងកក់ក្ដៅ ធ្វើឲ្យតារាស្រីរូបនេះមានចិត្តសប្បាយរីករាយ បញ្ចេញស្នាមញញឹមមិនដាច់ពីមាត់ទៅកាន់ហ្វេន។ នេះជាលើកទី២ហើយ ដែលកញ្ញា Bella Ranee ហៅថា ការ៉ាកេត​ បានបង្ហាញវត្តមានលើទឹកដីកម្ពុជា ដែលត្រូវបានគេអញ្ជើញឲ្យចូលរួមជាភ្ញៀវកិត្តិយស នៅក្នុងកម្មវិធីដ៏ធំមួយរបស់ទូរទស្សន៍ ភីអិនអិន ដែលនឹងប្រព្រឹត្តិធ្វើឡើងនាល្ងាចថ្ងៃនេះផងដែរ៕