បើយោងតាមគណនីហ្វេសប៊ុក Limspirations បានរៀបរាប់ដូចខាងក្រោម "នាងខ្ញុំសូមគោរពនិងជំរាបសួរដល់ពុកម៉ែបងប្អូនដែលនៅក្នុងបណ្តាញសង្គមហ្វេសប៊ុកទាំងអស់គ្នា ហើយក៏សូមផ្ញើរVideoមួយនេះទៅដល់អ្នកឧកញ៉ា ហុង ពីវ ដែលត្រូវជាម្ចាស់បុរីពិភពថ្មី Oknha Hong Piv អ្នកឧកញ៉ា ហុង ពីវ សូមលោកមេត្តាចេញមុខដោះស្រាយពីបញ្ហាសំណង់ផ្ទះល្វែង(សាខាកំបូល)ដែលប្រេះខ្លាំងដោយមិនដឹងពីមូលហេតុ។ ••បញ្ហាៈ នាងខ្ញុំបានទិញផ្ទះល្វែងមួយខ្នងនៅបុរីពិភពថ្មី(សាខាកំបូល) បានជួបប្រទះបញ្ហាដូចរៀបរាប់ខាងក្រោម៖ -ប្រេះខ្លាំងស្ទើរគ្រប់កន្លែង -ជាន់ឡៅតឿ បន្ទប់មុខក្រោយប្រេះផ្លង់សេ -ជញ្ជាំងជណ្តើរប្រេះកាត់ទទឹក៣កន្លែងប្រវែងជាង២ម៉ែត្រ -កែងក្រោមជណ្តើរប្រេះ -បន្ទប់ទទួលភ្ញៀវប្រេះជញ្ជាំងបញ្ឈរ -ជញ្ជាំងខាងក្រៅផ្ទះប្រេះឡើងសុះដូចទូរស័ព្ទបែកអេក្រង់ ((ទាំងនេះសុទ្ធតែជាបញ្ហាធំៗដែលនាងខ្ញុំមិនទាន់បូករួមបញ្ហាតូចតាចទេ)) ហើយខ្ញុំនិយាយថ្ងៃនេះក្នុងនាមខ្ញុំជាភ្ញៀវដែលទិញចំរបស់គ្មានគុណភាព ហើយព្យាយាមទាក់ទងទៅខាងបុរី, ប៉ុន្តែគ្មានដំណោះស្រាយ គ្មានពាក្យសម្តីពិតប្រាកដ គ្មានពេលវេលាជាក់លាក់ តែងតែបង្អង់ពេល ពន្យារពេល, ទាំងដែលផ្ទះនៅក្នុងការធានាជួសជុលនៅឡើយ។ ••ការសន្យានិងកំណត់ថ្ងៃចូលជួសជុលផ្ទះៈ ទាក់ទងទៅបុគ្គលិកម្តងៗ គឺរុញអោយទាក់ទងទៅមេជាងផ្ទាល់ ឬសុំពេលខ្លះ, តែងតែសុំពេល៧ថ្ងៃថាមានជាងចូលមើលចូលជួសជុល តែមិនដែលមានជាងមកទេ ៧ថ្ងៃក្លាយជា៧អាទិត្យ ហើយក៏ក្លាយជារាប់ខែ..។ Callទៅមេជាងលើកណាក៏គ្មានពេល ក៏រវល់ ក៏ជាប់ដៃ! ! ហេតុអីផ្ទះគេមានជាងធ្វើ ឯផ្ទះខ្ញុំគ្មាន?? ខ្ញុំយល់យោគច្រើនណាស់ដល់បុរី ខ្ញុំដឹងថាផ្ទះធ្វើរួចគេតែងតែដកជាង ទើបខ្ញុំតែងតែផ្តល់ពេលវេលាសម្រាប់ពួកគាត់ ប៉ុន្តែការយល់យោគរបស់ខ្ញុំបានតបស្នងមកវិញជាការមើលងាយជំនឿទុកចិត្តរបស់ខ្ញុំចំពោះពួកគាត់ទៅវិញ។ ••អាកប្បកិរិយាបុគ្គលិកនិងមេជាងៈ បុគ្គលិកមួយចំនួនតូចមានអាកប្បកិរិយាមិនសមរម្យ សំដីមធ្យម ងំទឹកមុខហ្នឹងហ្មង, ខ្ញុំមិនចង់បង្ហោះរូបពួកគាត់ទេ ព្រោះមិនចង់អោយប៉ះពាល់ដល់ការងាររបស់ពួកគាត់ ឬអាចនិយាយបានថាខ្ញុំគោរពសិទ្នរបស់ពួកគាត់, ខ្ញុំសូមសំណូមពរដល់បងៗមេត្តារស់រាយដល់អតិថិជនផង មិនថាពួកគាត់ជាអ្នកមាន អ្នកមធ្យម អ្នកក្រ ឬក្ររហាមពាក់ខោមិនខោ អាវមិនអាវក៏ដោយ, ក្នុងនាមពួកបងជាអ្នកលក់គួរគោរពដល់អតិថិជន នេះជាចំណេះដឹងមូលដ្ឋានគ្រឹះរបស់អ្នកលក់(Selling the most basic knowledge) បើមេជាងវិញមហាសន្យា អត់កូនជាងរហូត, គិតថាខ្ញុំអត់គ្រាប់ភ្នែកមែន? ផ្ទះជិតខ្ញុំចូលធ្វើម្តងៗជាង១០កូនជាង តែផ្ទះខ្ញុំប្រាប់ចង់ស្ទីចមាត់ក៏គាត់ថាអត់ដែរ ហើយអាសូរតែការិយាល័យសំណង់នៅឯណា...ព្រះអើយ នៅជិតផ្ទះខ្ញុំ?? ••កាលបរិច្ឆេទបង់ប្រាក់: នាងខ្ញុំជាមនុស្សដែលគោរពលក្ខខណ្ឌនិងសំណើររបស់អ្នកដទៃ ជាពិសេសគឺបញ្ហាដែលពាក់ព័ន្ធនឹងលុយ, នាងខ្ញុំពុំដែលបង់ប្រាក់ជូនបុរីខកខាន ឬមិនទៀងទាត់រហូតឈានដល់ការផាកពិន័យនោះទេ, .......ប៉ុន្តែបុរីវិញ៖ ១. ប្រគល់ផ្ទះអោយខ្ញុំយឺត១ខែ (ទាំងខ្ញុំតឿនផង បើមិនតឿនមិនដឹងប៉ុន្មានខែ) ២. សន្យាប្រគល់សោររួចចូលប៉ះប៉ូវបន្ថែម តែមិនឃើញទង្វើរ....ទាំងដែលខាងបុរីនិយាយផ្ទាល់ សុំអោយខ្ញុំទទួលសោរសិន ពួកគាត់នឹងចូលធ្វើតាមក្រោយ ៣. សន្យាជួសជុល តែពន្យារពេលឥតល្ហែរ ពន្យាពេលដល់ជិតផុតកុងត្រា *****កិច្ចសន្យាសរសេរថាពិន័យចំពោះអតិថិជនដែលបង់ប្រាក់យឺតយ៉ាវចាប់ពីរយៈពេលប៉ុន្មានៗ...នឹងត្រូវពិន័យ៥%, ប៉ុន្តែពេលដែលបុរីមានកំហុសយឺតវិញ យឺតរហូតរាប់ខែ ហេតុអ្វីគ្មានការបញ្ចុះការប្រាក់ជូនអតិថិជន? ឬក៏បុរីតែងតែត្រូវ អតិថិជនតែងតែខុស? ? ••ទំនួលខុសត្រូវ: បើសិនផ្ទះខ្ញុំផុតកុងត្រា ខ្ញុំមិននិយាយទេ តែនេះនៅក្នុងកុងត្រា ហេតុអ្វីតែងតែប្រងើយកន្តើយចំពោះបញ្ហារបស់អតិថិជនដែលបានជូនដំណឹងទៅ? ឬចាំដល់ផ្ទះរលំទើបមានជាងចូលធ្វើ? ចាំដល់បាក់គ្រឹបចុះមកទើបបុរីរកជាងបាន? ឯណាទៅទំនួលខុសត្រូវ? តើកិច្ចសន្យានៅមានសុពលភាពដែរទេ បើអ្នកលក់មិនគោរពកិច្ចសន្យាផងនោះ? ? ••សំនួរខ្លីៗសួរទៅកាន់អ្នកលក់: ១. បើគេធ្វើផ្ទះបែបនេះលក់អោយអស់លោកវិញ តើមានអារម្មណ៍យ៉ាងណា? ទទួលបានទេ? ២. តើលោកនឹងរកវិធីអ្វីមកដោះស្រាយបើសិនផ្ទះមានបញ្ហាតែគ្មានការអើពើពីអ្នកលក់? ៣.បើបាក់ស្រុតចុះមកនណាទទួលខុសត្រូវ? ••លក្ខខណ្ឌជូនទៅម្ចាស់បុរី: ១. ខ្ញុំរកជាងមកធ្វើដោយផ្ទាល់ ហើយបុរីជាអ្នកទូរទាត់លុយ, ព្រោះបុរីពិបាករកជាងខ្លាំងណាស់។ ២. ប្រគល់លុយដែលខ្ញុំបានបង់តាំងពីថ្ងៃទី០៨ ខែសីហា ឆ្នាំ២០១៦ មកដល់បច្ចុប្បន្ននេះមកខ្ញុំវិញ (ទាំងការទាំងដើម) ហើយសងជំងឺចិត្តខ្ញុំ៥០%នៃតំលៃផ្ទះទាំងមូល ខ្ញុំនឹងរើចេញក្នុងរយៈពេល១០ថ្ងៃ, ព្រោះអ្នកលក់បានបំផ្លាញជំនឿទុកចិត្តរបស់ភ្ញៀវ។ ••បញ្ជាក់: ថ្ងៃ៣០ ខែមិថុនា ឆ្នាំ២០១៨ ខ្ញុំបានបញ្ជាក់ជាមួយបងស្រីផ្នែកបេឡាឈ្មោះ សម្ផស្ស ថាប្រសិនបើនៅតែសន្យាខ្យល់ មិនដោះស្រាយអោយខ្ញុំទៀត ខ្ញុំនឹងលេងតាមហ្នឹងហើយ, ហើយគាត់ក៏បានឆ្លើយថា៖''ចា៎'' . ((ក្នុងទូរស័ព្ទរបស់ខ្ញុំក៏មានថតសំឡេងគាត់ទុកដែរ)) ••សេចក្តីបញ្ចប់: អ្វីដែលខ្ញុំនិយាយថ្ងៃនេះគឺមានភស្តុតាងត្រឹមត្រូវ មិនមែនចេះតែវាចារតាមនឹកឃើញនោះទេ, ខ្ញុំបានអត់ធ្មត់រងចាំដំណោះស្រាយជាយូរណាស់មកហើយ រហូតដល់ការអត់ធ្មត់មួយនេះអស់សុពលភាព។ ?ហើយនាងខ្ញុំក៏សូមសំណូមពរដល់ពុកម៉ែបងប្អូនដែលមានបំណងចង់ទិញផ្ទះនៅបុរីពិភពថ្មីសាខាកំបូល សូមប្រយ័ត្នប្រយែងអោយមែនទែនណា ជៀសវាងមានការស្តាយក្រោយទៅថ្ងៃមុខ បំណងល្អពីនាងខ្ញុំដែលឆ្លងកាត់ផ្ទាល់ #មួយជីវិតខ្ញុំនេះ មិនដែលមានគំនុំគុំកួនជាមួយនណាម្នាក់ឡើយ ប្រសិនបើសម្តីខ្ញុំដែលនិយាយចេញមកថ្ងៃនេះអាចធ្វើអោយប៉ះពាល់ដល់អាយុជីវិតរបស់នាងខ្ញុំទៅថ្ងៃមុខ សូមពុកម៉ែបងប្អូនជួយធ្វើជាសាក្សីដល់នាងខ្ញុំផង? សូមពុកម៉ែបងប្អូនជួយ Share Videoមួយនេះផង"។ បើយោងតាមគណនីហ្វេសប៊ុកមួយដែលមានឈ្មោះថា Ngoun Sopheara "ផ្ទះខ្ញុំនៅក្នុងបុរីពិភពថ្មីបឹងឈូកក៏មានបញ្ហារឿងជ្រាបទឹកតាមប្លង់សេ នឹងបន្ទប់ទឹកជាន់ឡៅតឿដែរ។ ក្នុងកិច្ចសន្យាជួសជុសអោយក្នុងរយៈពេលធានា១ឆ្នាំ ពេលដែលទាក់ទងទៅគឺមានលេសនេះ.....រាប់មិនអស់។ ពេលយេីងរករឿងខ្លាំងដល់ស្នាក់ការធំទេីបមានជាងមកអោយ។ ជួសជុលបានជាង៤ខែទឹកជ្រាបចេញពីកន្លែងដដែរ។ ពេលទាក់ទងទៅខាងក្រុមហ៊ុន គេថាផ្ទះនឹងផុតកំណត់ក្នុងការជួសជុលហេីយ បេីត្រូវការជាងអោយជួសជុលអោយត្រូវបង់ប្រាក់។ខ្ញុំសុខចិត្តហៅជាងពីខាងក្រៅទៅធ្ទេីការជួសជុល។ ជាងដែលមកពីខាងក្រៅថាប្លង់សេផ្ទះខ្ញុំប្រេីស៊ីម៉ង់ងាប់(ស៊ីម៉ង់លាយទុកយូរពេកខូចគុណភាព)មានតែប្រក់ដំបូលទេីបឈប់ច្រៀបទឹក។ បច្ចុបន្ននេះផ្ទខ្ញុំមានស្នាមប្រេះរាប់មិនអស់បេីឥដ្ឋបោលប្រេះជាច្រេីនដោយសារបៀកស៊ីម៉ង់មិនល្អនិងមិនគ្រប់។ សូមមានការប្រុងប្រយត្ន័ចំពោះការទិញផ្ទះក្នុងបូរីផង"។
