ភ្នំពេញ៖ តារាចម្រៀង មនោសញ្ចេតនា និងស្រគន់ស្រគំ លោក ថេណា មិននឹកស្មានថាលោក​ផ្អែមល្ហែមយ៉ាងនេះ ធ្វើឲ្យអ្នកគាំទ្រជាច្រើនហាក់រំភើប និងមិនចង់ជឿទាល់តែសោះថាលោក ស្វីតដល់ថ្នាក់នេះនោះទេ។ ម្ចាស់បទ "បន្ទប់លេខ៦" បានធ្វើឲ្យអ្នកគាំទ្រជាច្រើនមានការភ្ញាក់ផ្អើលយ៉ាងខ្លាំង។ តារាចម្រៀងដែលធ្លាប់តែ ស្រគន់ស្រគំ ស្រាប់តែបង្ហាញពីភាពផ្អែមល្អែម ដាក់មនុស្សជាទីស្រលាញ់ ក្នុងថ្ងៃពិសេសបែបនេះទាល់តែសោះ។ យ៉ាងណាមិញ លោកក៏បានបង្ហាញរូបភាព និងរូបនំខួបកំណើតមួយ អមជាមួយនឹងសាច់ភ្លេងដ៏រណ្តំ និងមានអត្តន័យយ៉ាងជ្រៀលជ្រៅ ពីសំណាក់រូបលោកផ្ទាល់ផងដែរ។ នៅក្នុងហ្វេសប៊ុកមួយមានឈ្មោះថា Nattha Wee រៀបរាប់ថា "Thank you, everyone for the lovely birthday wishes.It was a simple birthday party but full of happiness!"។ យ៉ាងណាមិញ មានបណ្ដាអ្នកគាំទ្ររបស់លោក ថេណា បាននិយាយទៅកាន់លោកថា «មិននឹកស្មានថាលោក មិនត្រឹមតែអាចតែងចម្រៀងបែបមនោសញ្ចេតនាបាននោះទេ ថែមទាំងចេះធ្វើរឿង ស្វីតៗជាមួយនឹងមនុស្សដែលខ្លួនស្រលាញ់ ជាពិសេស ធ្វើឲ្យនាង រំភើបខ្លាំង ក្នុងថ្ងៃនោះថែមទៀត»៕