បាត់ដំបងៈ នៅក្នុងគនណីហ្វេសប៊ុករបស់ក្រសួងធនធានទឹក និងឧតុនិយម បានបញ្ជាក់ថា កាលពីព្រឹកថ្ងៃទី១២ ខែកក្កដា ឆ្នាំ២០១៨ បរិមាណទឹកភ្លៀងដែលបានធ្លាក់ច្រើនជាបន្តបន្ទាប់នៅ តំបន់ព្រំដែនកម្ពុជា-ថៃ ក្នុងភូមិសាស្ត្រស្រុក សំឡូត ខេត្តបាត់ដំបង បានបង្កឲ្យទឹកនៅ ក្នុងអាងទឹកពហុបំណង បាត់ដំបង ក្នុងស្រុករតនមណ្ឌល កើនឡើងយ៉ាងគំហុកកាលពីថ្ងៃទី១១ ខែកក្កដា ឆ្នាំ២០១៨ ។

ទឹកស្ទឹងសង្កែ ខេត្តបាត់ដំបង ពីថ្ងៃនេះ បានហក់ឡើងខ្ពស់រហូតដល់១២ម៉ែត្រហើយ។ ជាមួយស្ថានភាពទឹកឡើង បែបនេះក្រសួងធនធានទឹក និងឧតុនិយម បានអំពាវនាវឲ្យប្រជាពលរដ្ឋប្រុងប្រយ័ត្នខ្ពស់ ព្រោះស្ថិតក្នុងភាពជិតប្រកាសអាសន្ន ហើយ ។ ជាមួយគ្នានេះមន្ទីរធនធានទឹក និងឧតុនិយមកំពុងសហការជាមួយក្រុមហ៊ុនសាងសង់របស់ចិន បើកទ្វារទឹកអាងទាំង៧ប្រឡោះដើម្បីរំដោះ ធារទឹកមួយផ្នែកទៅកាន់ប្រព័ន្ធធារាសាស្ត្រ កង្ហតសម្រាប់ផ្គត់ផ្គង់ឲ្យការងារបង្កបង្កើនផលរបស់កសិករ និងមួយផ្នែកទៀតទម្លាក់តាមស្ទឹងសង្កែសម្រាប់ផ្គត់ផ្គង់ឲ្យការប្រើប្រាស់របស់ប្រជាពលរដ្ឋនៅផ្នែកខាង ក្រោម ។