សមត្ថ​​កិច្ច​នគរបាល​ ស្រុក​ក​ញ្ជៀ​ច ​ធ្វើការឃាត់​ខ្លួនបុរស​ម្នាក់ ក្រោយពីរបុរសនេះស្រវឹងស្រា បានធ្វើសកម្មភាព​​ហែក​ទង់ជាតិ និងទង់​គណបក្ស សម្ព័ន្ធដើម្បី ប្រជាធិបតេយ្យ ​អស់ចំនួន​២​ផ្ទាំង
-

ខេត្តព្រៃវែងៈ ​កាលពី​ព្រឹក​ថ្ងៃ​ទី​១៣ ខែកក្កដា ឆ្នាំ២០១៨ ម្សិលមិញនេះ សមត្ថ​​កិច្ច​នគរបាល​ ស្រុក​ក​ញ្ជៀ​ច ​ធ្វើការឃាត់​ខ្លួនបុរស​ម្នាក់ មានឈ្មោះ ផូ ហយ ភេទ​ប្រុស អាយុ​៣៣​ឆ្នាំ រស់​នៅ​​ក្នុងភូមិ ស្វា​យ​ចេក ឃុំ​គោក​គង់​លិច ស្រុក​កញ្ជ្រៀច ខេត្តព្រៃវែង ក្រោយពីរបុរសនេះស្រវឹងស្រា បានធ្វើសកម្មភាព​​ហែក​ទង់ជាតិ និងទង់​គណបក្សសម្ព័ន្ធដើម្បីប្រជាធិបតេយ្យ ​អស់ចំនួន​២​ផ្ទាំង ​។

ក្រោយទទួលបាន​​បណ្តឹង​របស់​​ឈ្មោះ ជុន អុល ភេទ​ប្រុស អាយុ​៦៤​ឆ្នាំ រស់នៅ​ភូមិ​គោក​គង់​កើត ឃុំ​គោក​គង់​លិច ស្រុក​កញ្ជ្រៀច បានប្តឹង​​​សមត្ថ​​កិច្ច​ថា នៅមុន​ពេល​កើតហេតុ​ ខ្លួន​ និង​សមាជិក​បក្ស បាន​ កំពុង​ជិះ​ម៉ូតូ​២​គ្រឿង ​ដោយមានដឹក​មេក្រូ​ចាក់ ដើម្បី​ឃោសនាក្នុង​យុទ្ធនាការ​រក​សម្លេង​ឆ្នោត តែខណៈ​នោះ​ស្រាប់តែ​ជន​ខាងលើ មិនដឹងជាស្រវឹងស្រាមកពីណាទេ បាន​ស្ទុះ​ទៅ​​ចាប់ដក​ដ​ង្គា​ម​អា​គុយដែលកំពុងចាក់ផ្សាយ រួចឆក់​យក​ទង់ជាតិ និងទង់​សញ្ញា​បក្ស​​ ហើយ​ហែក​ចោល ដោយបានធ្វើ​សកម្មភាព​ច្រ​ង៉េង​ ​ច្រ​ង៉ាង​ថែម​ទៀតផង។