ខេត្ត​កោះកុង​៖ នៅថ្ងៃទី១៧ កក្ដដា ២០១៨ វេលាម៉ោង១០:០០ព្រឹកកម្លាំងអធិការដ្ឋាន ន .ប ស្រុក​១០នាក់ កម្លាំង​អន្តរាគមន៍​ខេត្ត​៦នាក់ ប៉ុស្តិ៍​រដ្ឋបាល៤នាក់ ​កម្លាំសិករងស្រុក៦នាក់ កម្លាំង​អ.ហ​ស្រុក​ ៥នាក់​ សរុប​៣១នាក់ ដឹកនាំដោយលោកវរសេនីយ៍ឯក ម៉ា​ ទី​ អធិការ​ស្រុកបានចុះជួយ​ សង្រោះជម្លៀស និង​ ជញ្ជូនសម្ភារ របស់ប្រជា​ពលរដ្ឋទៅកាន់ទីទួលមានសុវត្តិភាព​ ពីគ្រោះទឹកជំនន់​ ដោយបានសង់រោងប្រក់តង់ជូនពុួកគាត់ស្នាក់នៅជាបណ្តាោះអាសន្ន។

ក្នុងរយៈ​ពេល​ប៉ុន្មាន​សប្ដាហ៍​ កន្លងមកនេះភ្លៀងបានធ្លាក់ជាប្រចាំថ្ងៃនៅក្នុងស្រុកស្រែអំបិល ធ្វើឲ្យជន់លិចនៅចំណុចត្រពាំងរាំង ក្នុងភូមិព្រះអង្គកែវ ឃុំដងពែង​ ស្រុកស្រែអំបិល។ ក្នុងហេតុការណ៍នេះមិនបណ្តាលឲ្យមានរងគ្រោះថ្នាក់ដល់មនុស្ស ឫសត្វឡើយ​។ បច្ចុប្បន្នកម្លាំងបានកំពុងជួយ ធ្វើការជម្លៀស​​និងសង្រ្គោះ ប្រជាពលរដ្ឋ មកកាន់ទីទួលសុវត្ថិភាព​ ជាបន្ត។ ហើយស្ថានភាពទឹកកំពុងឡើងខ្លាំង។ សូមបងប្អូនប្រជាពលរដ្ឋដែលមានលំនៅដ្ឋានតាមដងព្រែក នៃស្រុកស្រែអំបិល មេត្តាប្រុងប្រយ័ត្នឲ្យបានខ្ពស់ ព្រោះ​ស្ថានភាពទឹកតាមដងព្រែកកំពុងមានការកើនឡើង អាចនឹងមានគ្រោះទឹកជំនន់៕ ដោយៈ ភារ៉ា