ភ្នំពេញៈ ថ្ងៃទី១៨ ខែកក្កដា ឆ្នាំ២០១៨ វេលាម៉ោង៧ៈ៣០នាទីយប់ នៅត្រង់ចំណុច ដីឡូត៍ជិតផ្ទះ ស្ថិតនៅ ភូមិថ្មគោល១ សង្កាត់ចោមចៅ២ ខណ្ឌពោធិ៍សែនជ័យ​ រាជធានីភ្នំពេញ។ ដោយស្ត្រីជាប្រពន្ធ ទើបតែមកពីធ្វើការ នៅប្រទេសថៃ មកដល់ផ្ទះ ដើររកប្តី តែមិនឃើញ ក៏បានសួរនាំ អ្នកជិតខាង តែមិនឃើញប្តី របស់គាត់នោះ បន្ទាប់មក ក៏បានដើរទៅរក ក្នុងដីឡូត៍ ដែលដាក់ ម៉ាស៊ីនភ្លើង របស់ឪពុកគាត់ ស្រាប់តែប្រទះឃើញ ប្តីរបស់គាត់ ដេកផ្គាប់មុខ ស្លាប់បាត់ ទៅហើយ បង្កការភ្ញាក់ផ្អើល ដល់សមត្ថកិច្ច ចុះទៅពិនិត្យ៕

សពជនរងគ្រោះជាប្ដីមានឈ្មោះ ជូ ចាន់លី ភេទប្រុស អាយុ ៣៦ឆ្នាំ មុខរបរ ជាងដែក រស់នៅភូមិថ្មគោល១ សង្កាត់ចោមចៅ២ ខណ្ឌពោធិ៍សែនជ័យ មានស្រុកកំណើត នៅសង្កាត់ ផ្សារដេប៉ូ២ រាជធានីភ្នំពេញ។ ចំណែកប្រពន្ធ ឈ្មោះ សារុំ សុភ័ក្ត អាយុ ៣៨ឆ្នាំ មុខរបរ រោងចក្រ ធ្វើការនៅប្រទេសថៃ ត្រលប់មកលេងប្ដី នៅស្រុកកំណើត។