ខេត្តព្រៃវែងៈ កាលពី​វេលា​ម៉ោង​ប្រមាណ១០យប់ ថ្ងៃទី១៩ ខែកក្កដា ឆ្នាំ២០១៨នេះ មានហេតុការណ៍ផ្ទុះរថយន្ត​បា​ឡែ​ន​មួយគ្រឿង លើផ្លូវ​ជាតិ​លេខ៨ ត្រង់ចំណុច​ចន្លោះ​គីឡូម៉ែត្រ​លេខ (៦៧-៦៨) ឋិត​ក្នុងភូមិ​វាល ឃុំ​ក​ញ្ចំ ស្រុក​ពារាំង ខេត្តព្រៃវែង។

​បុរសរងគ្រោះមានឈ្មោះ​សេន សុភា ភេទ​ប្រុស អាយុ ៣៦ឆ្នាំ រស់នៅ ខណ្ឌមានជ័យ រា​ធានី​ភ្នំពេញ បើករថយន្ត ម៉ាក​កាមរី បា​ឡែ​ន ពណ៌​ស ពាក់​ស្លាក​លេខ​ភ្នំពេញ 2AM-4657។ នៅមុនពេលកើតហេតុ ​រថយន្តគាត់កំពុងតែ​បើកបរ​ត្រូវបាន​គាំងម៉ាស៊ីន ធ្វើអោយ​ឆ្លង​ចរន្ត​ផ្ទុះ​ឆេះ​សន្ធោសន្ធៅ​ នៅសល់តែ​គ្រោងឆ្អឹង ប៉ុន្តែ​សំណាងល្អ​ មិន​បង្កអោយមាន​គ្រោះថ្នាក់​ដល់​ជីវិតឡើយ ។ ដូចច្នេះហើយ សូមបងប្អូន ទាំងអស់គ្នាមុនចេញដំណើរ គួរពិនិត្យយានយន្តរបស់អ្នកឲ្យបានខ្ពស់ ដើម្បីជៀសវាងគ្រោះថ្នាក់ដែលយើងមើលមិនឃើញ។