គ្រាន់តែរឿងប៉ុននិងសោះ ស្មានតែមានរឿងអីធំលោកអើយ!!! ឪពុកក្មេកកាប់កូនប្រសារ បណ្ដាលឲ្យរងរបួសធ្ងន់ គ្រាន់តែរឿងសត្វពស់ជាប់មងសោះ!!
ខេត្តបាត់ដំបង ៖ ឪពុកក្មេកនិងកូនប្រសារ២នាក់ផឹកស្រាស្រវឹងឡូឡា កើតជាទំនាស់រហូតឪពុកក្មេក យកពូថៅវាយក្បាលកូនប្រសាររបួសធ្ងន់បង្កការភ្ញាក់ផ្អើលពេញភូមិតែម្តង។ហេតុការណ៍នេះកើតឡើងនៅវេលាម៉ោង ២២និង២២នាទីរសៀល ថ្ងៃព្រហស្បតិ៍ ០៧កើត ខែទុតិយាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៩ ខែកក្កដា ឆ្នាំ២០១៨ នៅចំនុចភូមិអូរគ្រួស ឃុំសេរីមាជ័យ ស្រុកសំពៅលូន ខេត្តបាត់ដំបង ។
លោកវរសេនីយ៍ឯក ពេជ្រ សារ៉ែន អធិការនគរបាលស្រុកសំពៅលូន បានឲ្យដឹងថា វេលាថ្ងៃកើតហេតុខាងលើ មានករណីហិង្សាដោយចេតនាបង្កឡើងដោយជនសង្ស័យឈ្មោះ នួន សឿន ភេទប្រុស អាយុប្រហែល ៥០ឆ្នាំ រស់នៅភូមិអូរគ្រួស ឃុំសេរីមាជ័យ ស្រុកសំពៅលូន បានយកពូថៅវាយក្បាលជនរងគ្រោះឈ្មោះ វ៉ឹង ហៅបារាំង ភេទប្រុស អាយុ ៣១ឆ្នាំ រស់នៅភូមិ ឃុំខាងលើជាមួយគ្នា (កូនប្រសារ) របួសធ្ងន់ ។ ក្រោយកើតហេតុជនសង្ស័យជាឪពុកក្មេងបានរត់គេចខ្លួនបាត់ ។ តាមការរៀបរាប់ពីជនរងគ្រោះឈ្មោះ វឹង វល់ ហៅ បារាំង ភេទប្រុស អាយុ២៧ឆ្នាំរស់នៅត្រង់ចំណុចកើតហេតុខាងលើ បាននិយាយថា ការទាស់ពាក្យសម្តីរវាងខ្លួន ជាមួយនឹងឪពុកចុង ឬក៏ត្រូវជាពូ ដែលមានឈ្មោះ នួន សឿន ភេទប្រុស អាយុ៤៨ឆ្នាំ មុខរបរធ្វើចំការ គឺបានកើតឡើងជាច្រើនលើក ច្រើនសាររួចមកហើយ ដោយសារតែពេលដែលគាត់ស្រវឹង គឺគាត់តែងតែចោទប្រកាន់មកលើខ្លួនថា បានទៅលួចដោះយកសត្វពស់ដែលគាត់ដាក់មងបាន ។ ជនរងគ្រោះបានបន្តថា ធាតុពិតគឺខ្លួនមិនដែលទៅលួចពស់របស់គាត់ឡើយ ប៉ុន្តែគាត់នៅតែចោទដដែលៗ ។ លុះនៅមុនពេលកើតហេតុ គឺគាត់មកពីផឹកវិញក៏បានចាប់ផ្តើមរករឿងទៀត ឯខ្លួនក៏បានប្រកែកទៅវិញ ទៅមក ស្រាប់តែគាត់បានលបទាញពូថៅមកវ៉ៃមកលើក្បាលនិងផ្ទៃមុខរបស់ខ្លួន ជាច្រើនកន្លែងរហូតដល់សន្លប់ លែងដឹងខ្លួន ។ ដោយឡែកសម្រាប់សាក្សីមួយចំនួនដែលរស់នៅក្នុងភូមិ ឃុំកើតហេតុខាងលើ ក៏បាននិយាយថា ពេលដែលជនសង្ស័យបានយកពូថៅវ៉ៃទៅលើជនរងគ្រោះនោះ គឺបាន បាក់ដងអស់មួយ ប៉ុន្តែដោយសារមិនអស់ចិត្តទើបស្ទុះទៅទាញពូថៅមួយទៀត មកវ៉ៃបន្ថែមរួចក៏រត់គេចខ្លួនបាត់ស្រមោលទាំងយប់តែម្តង ដោយសារតែមានប្រជាពលរដ្ឋជាច្រើនបម្រុងចូលជួយ ព្រមទាំងមានការស្រែកអោយជួយពីសំណាក់ស្ត្រីជាភរិយា ដែលកំពុងពរកូនមួយនៅនឹងដៃផង ។ ជនរងគ្រោះត្រូវបានក្រុមគ្រួសារបញ្ជូនទៅព្យាបាលនៅមន្ទីពេទ្យបង្អែកស្រុកសំពៅលូន។ បច្ចុប្បន្ន កម្លាំងនគរបាលស្រុកសំពៅលូនកំពុងតាមស្វែងរកចាប់ខ្លួនជនដៃដល់ ដើម្បីយកមកចាត់ការតាមនីតិវិធីច្បាប់ ៕ ដោយៈ ភារ៉ា
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។