លោកអ្នកពិតជាស្គាល់យ៉ាងច្បាស់បើនិយាយពីតារាចម្រៀង ORIGINAL SONG កញ្ញា ឡូរ៉ា ទេវរី (Laura_mam) ដែលមានភាពល្បីល្បាញយ៉ាងខ្លាំង ទាំងក្នុងនិងក្រៅប្រទេស។ តារាស្រី កូនខ្មែរអាមេរិកាំង ហើយបច្ចុប្បន្នរស់នៅក្នុងទីក្រុង San Jose រដ្ឋកាលីហ្វ័រញ៉ា វ័យ២៣ឆ្នាំរូបនេះ ទទួលបានការគាំទ្រជាច្រើនពីសំណាក់ពុកម៉ែ បងប្អូន ទាំងក្នុងនិងក្រៅប្រទេស។ បើយោងតាមគណនីហ្វេសប៊ុកមួយដែលមានឈ្មោះថា "បើថៃមិនចុះផ្សាយប្រហែលគ្មានថ្ងៃដឹងទេខ្ញុំ? ព័ត៌មានថៃបាននិយាយកោតសសើរអំពីឆន្ទៈដ៏មោះមុតរបស់ #Laura_mam អ្នកចំរៀងខ្មែរ ក្រោយទទួលបានពានរង្វាន់ក្នុងកម្មវីធី women of the future awards 2018 នាងបានធ្វើអោយពិភពលោកស្គាល់ប្រទេសកម្ពុជាកាន់តែច្បាស់ នេះជាមុខមាត់នឹងស្នាដៃដ៏អស្ចារ្យ មួយរបស់ប្រទេសកម្ពុជាយើងដែលត្រូវបានសង្គមសិល្បៈនឹងអ្នកសារព័ត៌មានស្រុកខ្មែរមើលរំលង?"។ យ៉ាងណាមិញ មានបងប្អូនជាច្រើន ធ្វើការចែករំលែកគ្នាតាមហ្វេសប៊ុក និងមានអ្នកខ្លះបានលើកឡើងថា " មានតាស បើបងអែងអត់ផុសញុមអត់ដឹងដែរនឹង"។
