កំពង់ចាម ៖ នៅវេលាម៉ោង៨និង២០នាទីព្រឹក ថ្ងៃទី៣០ ខែកក្កដា ឆ្នាំ២០១៨នះមានករណីឆេះរថយន្តទំនើបមួយគ្រឿងម៉ាកFord Express នៅចំណុចវាលវង់យន្តហោះ។

ក្នុងហេតុការណ៍ លោកឧត្តមសេនីយ៍ស្នងការខេត្តបានចាត់លោកឧត្តមសេនីយ៍ត្រី មិន សុគន្ធវិបុល ស្នងការរងផែនបង្ការនិងពន្លត់អគ្គីភ័យខេត្តភ្លាមៗ ដើម្បីដឹកនាំកំលាំងអធិការនគរបាលដ្ឋានស្រុកកំពង់សៀម និងរថយន្តអគ្គីភ័យខេត្តចុះពន្លត់រថយន្ត Ford Expressដែលរងការឆេះហើយមានស្លាកលេខ ភ្នំពេញ ២Q ៣០៧៧ ដែលជាកម្មសិទ្ធិរបស់ឈ្មោះ សួរ ថេង ភេទប្រុស អាយុ៣៨ឆ្នាំ មានទីលំនៅភូមិអំពិលលើ ឃុំអំពិល ស្រុកកំពង់សៀម ខេត្តកំពង់ចាម។ សមត្ថកិច្ចបានប្រើប្រាស់រថយន្តពន្លត់អគ្គីភ័យអស់ចំនួន០២គ្រឿង។ ជាលទ្ធផលកម្លាំងជំនាញបានពន្លត់រលត់ជាស្ថាពរនិងមិនបង្កគ្រោះថ្នាក់ដល់មនុស្សទេ។ មូលហេតុបណ្តាលមកពីឆ្លងចរន្តអគ្គិសនីក្នុងកាប៊ីន៕