គូរស្នេហ៏មួយគូ ផឹកសីុស្រវឹងដូចគ្នា និយាយគ្នាមិនត្រូវ វៃគ្នាផ្អើលពេញដង់ផ្លូវ ២១៧
ភ្នំពេញៈ កាលពីវេលាម៉ោងជិត៩យប់ ថ្ងៃទី៣០ ខែកក្កដា ឆ្នាំ២០១៨ ទំនាស់ពាក្យសម្ដីរវាងគូរស្នេហ៏មួយគូបានឈ្លោះប្រកែកគ្នាតាមដងផ្លូវឈានដល់ការវាយតប់គ្នា បណ្តាលឲ្យខាងស្រីដែលត្រូវជាប្រពន្ធទី២ បែកក្បាលហូរឈាមសន្លប់ ក្នុងស្ថានភាពស្រវឹង ដែលស្ថិតនៅតាមបណ្តោយផ្លូវ២១៧ ខាងមុខវត្តស្ទឹងមានជ័យ ស្ថិតនៅក្នុងសង្កាត់ស្ទឹងមានជ័យ១ ខណ្ឌមានជ័យ។
បុរសជាប្តីមានឈ្មោះ ប៉ែន វិរៈ អាយុ៥៣ឆ្នាំ អតីតជាមន្ត្រីនគរបាល ចំណែកប្រពន្ធទី២ឈ្មោះ នួន ហៅដួង អាយុ៣៣ឆ្នាំ ស្នាក់នៅស្រុកកណ្តាលស្ទឹង ខេត្តកណ្តាល។ មុនកើតហេតុ គេឃើញប្តីប្រពន្ធមួយគូនេះមិនដឹងមកពីណាទេ បានឈប់ម៉ូតូហើយឈ្លោះប្រកែកគ្នា ដោយខាងស្រីស្រវឹងស្រែកឡូឡាដាក់ខាងប្រុស ហើយភាគីខាងប្រុសក៏ស្រវឹងដូចគ្នា ហើយខាងស្រីបានរត់ទៅវាយខាងប្រុស ធ្វើឲ្យខាងប្រុសច្រានចេញបណ្តាលឲ្យដួល ហើយខាងស្រីងើបរត់ទៅវាយខាងប្រុសទៀត ទើបទ្រាំមិនបានខាងប្រុសទះមួយដៃចំមួកការពារសុវត្ថិភាពបណ្តាលឱ្យដួលទៀត ក៏មានការភ្ញាក់ផ្អើលដល់ប្រជាពលរដ្ឋចូលជួយអន្តរាគមន៍។
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។