ភ្នំពេញៈ នៅរសៀលថ្ងៃទី៣១ ខែកក្កដា ឆ្នាំ២០១៨នេះ ក្រុមចោរវ័យក្មេង ប្រុសស្រី៣នាក់ ត្រូវបាន សមត្ថកិច្ចខណ្ឌចំការមន បញ្ជូនខ្លួន ទៅកាន់សាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី ពាក់ព័ន្ធករណី លួចម៉ូតូ និងប្រើប្រាស់គ្រឿងញៀន។

បើយោងតាមសមត្ថកិច្ច ជនសង្ស័យទាំង៣នាក់ មានឈ្មោះ លី ដាណែត ហៅ នាថ ភេទស្រី អាយុ ១៨ឆ្នាំ មុខរបរ ចោរ (មានផ្ទុកសារធាតុញៀន) ទីលំនៅផ្ទះគ្មានលេខ ផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខ រាជធានីភ្នំពេញ។ ទី២ឈ្មោះ ស៊ី សុភ័ក្រនិត ភេទប្រុស អាយុ ២០ឆ្នាំ មុខរបរ ចោរ (មានផ្ទុកសារធាតុញៀន) ទីលំនៅផ្ទះគ្មានលេខ ផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខ រាជធានីភ្នំពេញ។ និងទី៣ឈ្មោះ ព្រីង ពិន ភេទប្រុស អាយុ ១៨ឆ្នាំ មុខរបរ ចោរ (មានផ្ទុកសារធាតុញៀន) ទីលំនៅទីលំនៅផ្ទះលេខ៨៤ ផ្លូវជាតិលេខ ៣ សង្កាត់ដង្កោ ខណ្ឌដង្កោ រាជធានីភ្នំពេញ។ សូមបញ្ជាក់ថា នាក់ទាំង៣ត្រូវបាន សមត្ថកិច្ចឃាត់ខ្លួន កាលពីរសៀលថ្ងៃទី២៩ ខែកក្កដា ឆ្នាំ២០១៨ នៅក្នុងផ្ទះសំណាក់ អប្សរាមង្គល២ សង្កាត់ស្ទឹងមានជ័យ៣ ក្រោយពីពួកគេបាន ធ្វើសកម្មភាពលួចម៉ូតូមួយគ្រឿងម៉ាក BERT ព័ណ៌ក្រហម នៅចំណុចក្រោយមន្ទីរពេទ្យរុស្ស៊ី៕