កណ្តាលៈ ជនសង្ស័យម្នាក់ ត្រូវបានសមត្ថកិច្ច ធ្វើការឃាត់ខ្លួន មានឈ្មោះ អេម សំអាត ភេទប្រុស អាយុ៤៩ឆ្នាំ ទីលំនៅភូមិត្រពាំវែង ឃុំបឹងត្រាញ់ខាងត្បូង ស្រុកសំរោង ខេត្តតាកែវ មុខរបរមិនពិតប្រាកដ។ ក្រោយធ្វើសកម្មភាព លួចកាច់ក ម៉ូតូជនរងគ្រោះម្នាក់មានឈ្មោះ ជៃ ជឿន ភេទប្រុស អាយុ៤០ឆ្នាំ ទីលំនៅភូមិថ្នល់ទទឹង ឃុំដំណាក់អំពិល ស្រុកអង្គស្នួល ខេត្តកណ្តាល។ បានសម្រេចកាលពីម៉ោង៦ៈ៣០នាទីថ្ងៃ៣១ ខែកក្កដា ឆ្នាំ២០១៨។

តែដោយសារម៉ូតូជនរងគ្រោះ បានដាក់ GPS ទើបរាយការណ៍ជូនសមត្ថកិច្ច ធ្វើការស្រាវជ្រាវ រហូតឈានដល់បានជនសង្ស័យ កាលពីវេលាម៉ោង៣រសៀល ថ្ងៃទី៣១ ខែកក្កដា ឆ្នាំ២០១៨ នៅចំណុចភូមិថ្នល់ទទឹង ឃុំដំណាក់អំពិល ស្រុកអង្គស្នួល ខេត្តកណ្តាល។ ក្នុងនោះដែរ សមត្ថកិច្ច ដកហូតបាន ម៉ូតូម៉ាកហុងដា សេ១២៥ ស៊េរីឆ្នាំ២០០៧ ពណ៌ខ្មៅ ពាក់ស្លាកលេខ កណ្តាល 1E-4186 (របស់ជនរងគ្រោះ) ។ បច្ចុប្បន្នវត្ថុតាង និងជនសង្ស័យបញ្ជូនមក ស្នងការដ្ឋាននគរបាលខេត្តកណ្តាលដើម្បីចាត់ការតាមនីតិវិធី ៕