តើអ្នកជឿទេ!!! មនុស្សស្រីដែលជ្រើសរើស បុរសសាមញ្ញម្នាក់ មកធ្វើជាគូរអនាគត អ្នកនឹងទទួលបានគុណសម្បត្តិ ៥យ៉ាង ដែលល្អបំផុត

មនុស្សស្រីទាំងអស់មិនមែនសុទ្ធតែមានគំនិតដូចគ្នានោះទេ មានអ្នកខ្លះប៉ងចង់បានមនុស្សប្រុសសង្ហា មានចំណេះវិជ្ជាខ្ពង់ខ្ពស់ ឬមានរបរការងារធំដុំ ក៏ប៉ុន្តែមនុស្សស្រីខ្លះវិញ សុំប្រាថ្នាត្រឹមបុរសសាមញ្ញម្នាក់ដែលអាចយល់ចិត្ត រស់នៅប្រកបដោយសុភមង្គលគឺគ្រប់គ្រាន់ណាស់ទៅហើយ។ លើសពីនេះទៅទៀត ប្រសិនបើស្រីៗជ្រើសរើសបុរសសាមញ្ញម្នាក់ជាគូស្នេហ៍ ដែលមានឋានៈប្រហាក់ប្រហែលខ្លួន មិនលេចធ្លោខ្លាំងពេក នាងអាចនឹងទទួលបានគុណសម្បត្តិ៥យ៉ាងនេះ។

១.មិនខុសឆ្ងាយពីការរំពឹងទុក

អ្វីក៏ដោយឲ្យតែមានការប៉ងក្នុងចិត្តខ្ពស់ជ្រុលពេក អ្នកអាចនឹងខកបំណងខ្លាំង នៅពេលដែលអ្វីៗមិនដូចការរំពឹងទុក។ យ៉ាងណាបើអ្នកមានក្តីប្រាថ្នាសមរម្យល្មម នោះអ្នកក៏មិនអាចខកចិត្តបានដោយងាយៗឡើយ។ ២.លង់ស្រលាញ់បន្តិចម្តងៗ ហើយកាន់តែខ្លាំងឡើងៗ

នៅពេលដែលអ្នកលង់ស្រលាញ់នឹងភាពសាមញ្ញរបស់គាត់ អ្នកនឹងពេញចិត្តនូវគ្រប់យ៉ាងដែលគាត់មាន ព្រមទាំងមានចិត្តស្រលាញ់កាន់តែខ្លាំងឡើងៗ ពីមួយថ្ងៃទៅមួយថ្ងៃ ព្រោះអ្នកមិនមែនជាមនុស្សស្រីដែលវាយតម្លៃតែសំបកក្រៅ ឃើញសង្ហាក៏លង់ភ្លាមឬឃើញមានទ្រព្យច្រើនក៏ចាប់អារម្មណ៍ភ្លែតនោះទេ។ ការលង់ស្រលាញ់បន្តិចម្តងៗ ប្រសើរជាងការស្រលាញ់ខ្លាំងពីដំបូង ដោយផ្អែកលើទ្រព្យយស ដែលបានតែមួយឆាវក៏រលត់ ពេលជីវភាពប្រែប្រួលថយចុះខុសពីមុន។ ៣.មិនស្រលាញ់ងប់ងុលហួសហេតុ

ប្រសិនបើមនុស្សស្រីស្រលាញ់ដៃគូងប់ងុលខ្លាំងពេក វានឹងធ្វើឲ្យអ្នកមើលមិនឃើញនូវកំហុសដែលគាត់មាន ហើយកំហុសទាំងនោះអាចបង្កជាបញ្ហាធំទៅថ្ងៃមុខ ដែលអ្នកនឹកស្មានមិនដល់។ ហេតុនេះហើយ ការស្រលាញ់គ្នាធម្មតាៗនិងចេះទទួលយកការពិតពេលមានមិត្តភ័ក្ដិរិះគន់ ប្រសើរជាងការស្រលាញ់ដោយផ្កាប់មុខ មើលឃើញតែចំណុចត្រូវ ហើយគ្មានការលម្អកំហុសគ្នាដែរ។ ៤.អ្នកនៅតែបន្តភាពរីករាយក្នុងការសង្កេតពីគ្នាទៅវិញទៅមក

មនុស្សប្រុសសាមញ្ញមិនសូវជាបញ្ចេញនូវភាពហ៊ឺហា ឬចំណុចណាមួយឲ្យលើសគេលើសឯងឡើយ ម៉្លោះហើយបានជាអ្នកនៅតែអាចបន្តភាពរីករាយក្នុងការសង្កេតពីគ្នាទៅវិញទៅមក ស្វែងរកចំណុចពិសេសនិងចំណុចខ្វះខាតណាមួយដែលគាត់មាន។ ៥.អ្នកមិនចាំបាច់ផ្លាស់ប្តូរខ្លួនឯងដើម្បីនរណាឡើយ

អ្នកមិនចាំបាច់មានការបារម្ភពីពណ៌ស្បែក ឬត្រូវផ្លាស់ប្តូររូបសម្រស់របស់ខ្លួនដើម្បីផ្គាប់ចិត្តនរណាមួយឡើយ។ ប្រសិនបើមនុស្សប្រុសមិនស្រលាញ់ពេញចិត្តនូវអ្វីដែលជាធម្មជាតិរបស់អ្នកទេ កុំទៅឈឺក្បាលវិលមុខអី ត្រូវស្វែងរកអ្នកណាផ្សេងដែលស្រលាញ់អ្នកចេញពីចិត្ត មិនមែនឲ្យតម្លៃត្រឹមរូបសម្រស់តែមួយមុខ ឬត្រូវតម្រូវចិត្តគេគ្រប់យ៉ាងទេ នោះទើបអ្នកអាចស្វែងរកសេចក្តីសុខនិងសុភមង្គលពិតបាន។ ហេតុផលទាំងនេះហើយ ដែលធ្វើឲ្យមនុស្សស្រីភាគច្រើន មិនហ៊ានប៉ងមនុស្សប្រុសដែលមានឋានៈខ្ពស់ជាងខ្លួនខ្លាំង គឺសុំត្រឹមមនុស្សសាមញ្ញធម្មតាម្នាក់ មានជីវភាពសមរម្យល្មមប្រហាក់ប្រហែលខ្លួន ហើយអាចរស់នៅចុះសម្រុងនឹងគ្នាប្រកបដោយភាពរីករាយ គឺគ្រប់គ្រាន់ណាស់ទៅហើយ។

ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។

អត្ថបទទាក់ទង

ព័ត៌មានពេញនិយម

ព័ត៌មានថ្មីៗ

អត្ថបទ​ទាក់ទង

ព័ត៌មានពេញនិយម

ព័ត៌មានថ្មីៗ

អត្ថបទទាក់ទង