មុននេះបន្ដិចគណនេយ្យហ្វេសប៊ុករបស់ប្រធានគណបក្សខ្មែរក្រោក លោក សុខសុវណ្ណ វឌ្ឍនា សារពង្ស ហៅ វិល្លាម បានបង្ហោះសារពីមហិច្ឆតាដែលចង់ទាមទារត្រឡប់មកកម្ពុជាវិញ ។

លោករៀបរាប់ថា៖ «ខ្ញុំហ៊ានដឹកនាំបងប្អូនជនរួមជាតិប្ដឹងទាមទារកោះត្រល់ ខ្ញុំមិនខ្លាចផង , គ្រាន់តែផ្ដិតមេដៃម្នាក់មួយហេតុអ្វីបងប្អូនត្រូវខ្លាច ? សូមបងប្អូនជនរួមជាតិជឿទុកចិត្តនិងផ្ដល់ឱកាសដល់អ្នកនយោបាយជំនាន់ថ្មីផង . ជួបគ្នានៅថ្ងៃទី ៨ ខែ ៨ ឆ្នាំ ២០១៨ ម៉ោង៨ព្រឹក ជាម៉ោងចាប់ផ្ដេីមទទួលយកមេដៃរបស់បងប្អូន នៅទីស្នាក់ការកណ្ដាលរបស់គណបក្សខ្មែរក្រោក អាសយដ្ឋានផ្ទះលេខ ១១ ផ្លូវ ៣៥៣ សង្កាត់បឹងកក់១ ខ័ណ្ឌទួលគោក ភ្នំពេញ យន្តការថ្នាក់ជាតិនេះត្រូវការ ៥ម៉ឺនមេដៃលេីញត្តិ ប្រសិនជាយន្តការថ្នាក់ជាតិ ដែលប្ដឹងទៅក្រុមប្រឹក្សាធម្មនុញ្ញនេះមិនត្រូវបានដោះស្រាយ យេីងនឹងបន្តទៅយន្តការអន្តរជាតិនៅតុលាការក្រុង ឡាអេ បន្ថែមទៀត ។ ក្រោកឡេីង ទាមទាយកកោះត្រល់យេីងមកវិញ»៕ អត្ថបទបន្ថែម៖ លោក វិល្លាម នឹងបើកយុទ្ធនាការ «ស្នាមមេដៃមួយដេីម្បីកោះត្រល់» នាថ្ងៃទី០៨ សីហា ខាងមុខនេះ បើយោងតាមប្រភពហ្វេសប៊ុករបស់ប្រធានគណបក្សខ្មែរក្រោក លោក សុខសុវណ្ណ វឌ្ឍនា សារពង្ស ហៅ វិល្លាម នៅយប់ថ្ងៃទី៣១ កក្កដា ២០១៨នេះអោយដឹងថា លោកនឹងបើកយុទ្ធនាការ «ស្នាមមេដៃមួយដេីម្បីកោះត្រល់» នាថ្ងៃទី០៨ សីហា ខាងមុខនេះ។ លោកបានរៀបរាប់ថា៖ “យុទ្ធនាការ « ស្នាមមេដៃមួយដេីម្បីកោះត្រល់ » នឹងចាប់ផ្ដេីមនៅថ្ងៃទី ៨ ខែ ៨ ឆ្នាំ ២០១៨ ខាងមុខនេះ ។ គណបក្សខ្មែរក្រោកហ៊ានធ្វេីហេីយ ប្ដេជ្ញាធ្វេីទាំងមិនដែលនិយាយមុន មិនដែលសន្យាមុន ចុះរឿងអ្វីអ្នកចូលរួមត្រូវខ្លាចនោះ ? បេីអ្នកធ្វេីមិនខ្លាចផង សូមអ្នកចូលរួមកុំខ្លាច ហេីយបញ្ហានេះជាបញ្ហាយេីងទាំងអស់គ្នា កោះត្រល់ដែលមានទំហំប៉ុនប្រទេសសឹង្ហបូរីគឺជាទ្រព្យសម្បត្តិជាតិនិងជាទ្រព្យសម្បត្តិរួម មិនគួរអោយគេរំលោភស្រួលៗនោះឡេីយ សូមបងប្អូនចូលរួមទាំងអស់គ្នាដោយមិនប្រកាន់និន្នាការនយោបាយ ប្រសិនជាកេីតមកមិនបានពង្រីកទឹកដីទេ សូមមេត្តាកុំអោបដៃឈរមេីលទឹកដីដែលបាត់បង់អោយសោះ កោះត្រល់ធំណាស់ ស្នាមមេដៃមួយមិនមានអ្វីគួរអោយខ្លាចទាល់តែសោះ ព្រោះដូនតាយេីងលះបង់សាច់ស្រស់ឈាមស្រស់កសាងទឹកដីនេះអោយយេីងរស់នៅដោយចម្បាំងរាំងជល់លោកមិនដែលខ្លាចផង ។ ក្លាហានឡេីង ក្រោកឡេីង ក្រោកឡេីង បញ្ជាក់ ៖ ជនណាដែលវាយប្រហារ ឌឺដង បន្ទោសបង្អាប់ បន្ទុចបង្អាក់ លាបពណ៌លេីកិច្ចការនេះ ជននោះស្មេីនឹងបំរេីបរទេសដោយប្រយោល ហេីយក្បត់មនសិការជាតិខ្លួនយ៉ាងច្បាស់ បងប្អូនអាចចូលរួមបាននៅទីតាំងផ្ទះលេខ ១១ ផ្លូវ ៣៥៣ សង្កាត់បឹងកក់១ ខ័ណ្ឌទួលគោក រាជធានីភ្នំពេញ នាថ្ងៃទី៨ ខែ ៨ ឆ្នាំ ២០១៨” ៕