ភ្នំពេញៈ កាលពីវេលាម៉ោង២ៈ១០នាទីរសៀល ថ្ងៃទី២ ខែសីហា ឆ្នាំ២០១៨ នៅតាមបណ្តោយផ្លូវ២៨៩ សង្កាត់បឹងកក់២ ខណ្ឌទួលគោក រាជធានីភ្នំពេញ។ រថយន្តដឹកអ្នកដំណើររបស់ក្រុមហ៊ុន “រិទ្ធិមុន្នី” មួយគ្រឿង បានបុកបញ្ឆិតគូថរថយន្តហាយលែនឌ័រមួយគ្រឿង រងការខូចខាតយ៉ាងដំណំ មិនត្រឹមតែប៉ុននិងជ្រុលទៅកិនម៉ូតូ២គ្រឿងកៀបជាប់ក្រោមរថយន្តទៀត បណ្ដាលឲ្យម្ចាស់ម៉ូតូទាំង២នាក់ បានដួលខ្ទាតចេញរងរបួសស្រាល។

រថយន្តដឹកអ្នកដំណើរខាងលើពាក់ស្លាកលេខ ភ្នំពេញ 3D 4690។ រថយន្តរងគ្រោះម៉ាក ហាយលែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2AT 8049 និងម៉ូតូ២គ្រឿង ម៉ាកឌ្រីម ស៊េរីឆ្នាំ២០១៣មួយគ្រឿង ម៉ូតូម៉ាកសង់កូរ៉េមួយគ្រឿង។ ប្រភពីអ្នកបើកបរ រថយន្តដឹកអ្នកដំណើរ “រិទ្ធិមុន្នី” បានឲ្យដឹងថា ខ្លួនបើកមកពីតាមបណ្តាខេត្ត ហ្វ្រាងស៊ីធម្មតាទេ តែមិនដឹងយ៉ាងម៉េច មកដល់កន្លែងកើតហេតុ បែរជាជាន់មិនស៊ី ទៅវិញ។ ក្រោយពេលកើតហេតុ សមត្ថកិច្ចបានចុះវាស់វែងអូសរថយន្តនិងម៉ូតូដាក់ខាង កុំឲ្យមានការកកស្ទះ ដើម្បីរង់ចាំឲ្យភាគីទាំងសងខាង ធ្វើការដោះស្រាយគ្នាបញ្ចប់រឿង៕