ហឺុ....អាណិតចាស់ដល់ហើយ មិនដឹងឈឺជាយ៉ាងណាទេ!!! ប្រជាពលរដ្ឋជាង៣០០០គ្រួសារ នៅក្នុងខេត្តក្រចេះ រួមទាំងគោក្របី ត្រូវបានជម្លៀសទៅកាន់ទីទួលសុវត្ថិភាព ព្រោះគ្រោះទឹកជំនន់
ខេត្តក្រចេះ កាលពីល្ងាចថ្ងៃទី០២ ខែសីហា ម្សិលមិញនេះបើយោងតាមការឲ្យដឹងពីលោក វ៉ា ថន អភិបាលខេត្តក្រចេះ បានបញ្ជាក់ថា ពលរដ្ឋដែលរងគ្រោះនៅក្នុងខេត្តក្រចេះទាំងមូលជាង៣០០០គ្រួសារ រួមទាំងគោក្របីត្រូវបានជម្លៀសទៅកាន់ទីទួល សុវត្ថិភាព ព្រមទាំងបានបញ្ជូនក្រុមគ្រូពេទ្យ ឲ្យទៅប្រចាំការនៅទីទួលសុវត្ថិភាព ដើម្បីថែទាំ សុខភាពជូនប្រជាពលរដ្ឋ។
ស្ថិតក្នុងស្ថានភាពបែបនេះ ទេសរដ្ឋមន្ត្រី ញឹម វណ្ណដា អនុប្រធានប្រចាំការគណៈកម្មាធិការជាតិគ្រប់គ្រងគ្រោះមហន្តរាយ លោកបានអញ្ជើញចុះពិនិត្យមើលគ្រោះទឹកជំនន់ ក្នុងខេត្តក្រចេះ ដោយប្រើប្រាស់វិធានការណ៍សរុប មធ្យោបាយសរុប និងកម្លាំងសរុប ដើម្បីឆ្លើយតបទៅនឹងការ សង្គ្រោះបន្ទាន់ឲ្យបានទាន់ពេលវេលា នឹងបានប្រកាសផ្តល់ជូននូវអង្ករ៣០តោន សម្រាប់ចែកជូនពលរដ្ឋរងគ្រោះក្នុងខេត្តក្រចេះ ផងដែរ។ សូមបញ្ជាក់ថា យោងតាមរបាយការរបស់គណៈកម្មាធិការជាតិគ្រប់គ្រងគ្រោះមហន្តរាយ គិតចាប់ពីពាក់កណ្តាលខែកក្កដា មក មានប្រជាពលរដ្ឋចំនួន១១៩១៧គ្រួសារ ហើយ រស់នៅក្នុងខេត្ដចំនួន៤ រួមមាន៖ ខេត្ដស្ទឹងត្រែង ក្រចេះ ត្បូងឃ្មុំ និងកំពង់ចាម ត្រូវទឹកជំនន់ជន់លិចលំនៅដ្ឋាន។ ក្នុងនោះប្រជាពលរដ្ឋចំនួន១៧៣៣គ្រួសារ ត្រូវបានអាជ្ញាធរ និងសមត្ថកិច្ច ជម្លៀសទៅកាន់ទីទួលសុវត្ថិភាព៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។