ជនជាតិចិនដែលចាក់សំរាម ឱ្យហូរតាមទឹកភ្លៀង​ តាមបណ្តោយផ្លូវសកលវិទ្យាល័យ​ UME ស្ថិតក្នុងសង្កាត់៤​ បានធ្វើការសូមទោសជាសាធារណៈចំពោះប្រជាជនកម្ពុជា​ ចំពោះទង្វើមិនចូលរួមក្នុងកិច្ចគាំពារបរិស្ថានរបស់គាត់។

មន្ទីរបរិស្ថានខេត្តព្រះសីហនុ​ រួមនឹងមន្ត្រីសាលាក្រុងព្រះសីហនុ​ បានចុះធ្វើការព្រមាន​ និងធ្វើការផាកពិន័យចំពោះកាសុីណូ​ ញ៉ូវ​ ហ្គោលឌិន​ ដែលបានឆ្លៀតឱកាសចាក់សំរាមឱ្យហូរតាមទឹកភ្លៀង​ នៅតាមបណ្តោយផ្លូវនៃសកលវិទ្យាល័យ​ UME ដែលស្ថិតក្នុងសង្កាត់៤​ ក្រុងព្រះសីហនុ។ ចំពោះបុគ្គលជាជនជាតិចិន​ ដែលមានឈ្មោះ​ WANG MU QUNG បម្រើការងារក្នុងកាសុីណូ​ ញ៉ូវ​ ហ្គោលឌិន​ ដែលប្រព្រឹត្តទង្វើមិនគម្បីខាងលើ​ បានធ្វើការសូមទោសជាសាធារណៈដោយលាយលក្ខណ៍អក្ស​ ទទួលស្គាល់នូវកំហុសរបស់ខ្លួន​ និងសូមកុំឱ្យបុគ្គល​ ឬកន្លែងប្រកបអាជីវកម្មតូច​ ធំផ្សេងទៀត​កុំយកតម្រាប់តាមខ្លួន៕ ប្រភពៈ មន្ទីរបរិស្ថានខេត្តព្រះសីហនុ