ភ្នំពេញ ៖ បើយោងតាមសេចក្ដីរាយការណ៍របស់ស្នងការដ្ឋាននគរបាល នៃការិយាល័យកណ្ដាលព្រហ្មទណ្ឌកំរិតស្រាលរាជធានីភ្នំពេញ នៅព្រឹកថ្ងៃទី៥ ខែសីហា ឆ្នាំ២០១៨ បានឲ្យដឹងថា ៖ កាលពីថ្ងៃទី ០២ ទី ០៣ ខែ សីហា ឆ្នាំ ២០១៨ កម្លាំងជំនាញរបស់ការិយាល័យ ស្រាវជ្រាវឃាត់ខ្លួនជនសង្ស័យបានចំនួន ០៤ នាក់ ពាក់ពន្ធ័ប្រព្រឹត្តបទល្មើសចំនួន០៩ករណី ក្នុងនោះ ករណីអំពើលួចមានស្ថានទម្ងន់ទោស (ឆក់ទ្រព្យសម្បត្តិ) ចំនួន ០៨ ករណី ឃាត់ខ្លួនជនសង្ស័យបាន០៣ នាក់ និង ករណី ប្រើប្រាស់ដោយខុសច្បាប់នូវសារធាតុញៀន០១ករណី ដោយឃាត់ខ្លួនជនសង្ស័យ០១នាក់ និងចាប់យកវត្ថុតាងប្រព្រឹត្តបទល្មើស និងភស្តុតាងជារបស់ជនរងគ្រោះ បញ្ជូនមកកាន់ការិយាល័យមានដូចខាងក្រោម ៖

ករណីទី១ អំពើលួចមានស្ថានទម្ងន់ទោស (ឆក់កាបូបជ័រពណ៌ ក្រហម) នៅចំណុចរង្វង់មូលព្រះនរាយណ៍ ផ្លូវជាតិលេខ ២ ក្រុងតាខ្មៅ ខេត្តកណ្តាល កាលពីថ្ងៃទី ០៦ ខែ កក្កដា ឆ្នាំ ២០១៧ វេលាម៉ោង ១៥និង០០នាទី ។ ករណីទី២ អំពើលួចមានស្ថានទម្ងន់ទោស (ឆក់កាបូបជ័រពណ៌ផ្ទៃមាឃ) នៅចំណុចរង្វង់មូលព្រះនរាយណ៍ ផ្លូវជាតិលេខ ២ ក្រុងតាខ្មៅ ខេត្តកណ្តាល កាលពីថ្ងៃទី ១០ ខែ កក្កដា ឆ្នាំ ២០១៧ វេលាម៉ោង ១២និង០០នាទី ។ ករណីទី៣ អំពើលួចមានស្ថានទម្ងន់ទោស (ឆក់កាបូបជ័រដៃតូច) នៅចំណុចស្ថានីយ៍ប្រេង តូតាល់ ផ្លូវជាតិលេខ ២ សង្កាត់ចាក់អង្រែលើ ខណ្ឌ មានជ័យ រាជធានីភ្នំពេញ កាលពីថ្ងៃទី ១៤ ខែ កក្កដា ឆ្នាំ ២០១៧ វេលាម៉ោង ១៧និង០០ នាទី។ ករណីទី៤ អំពើលួចមានស្ថានទម្ងន់ទោស (ឆក់កាបូបស្ពាយម៉ាក LV) នៅចំណុចផ្លូវលេខ ៤៨៨ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ នៅថ្ងៃទី ២៤ ខែ កក្កដា ឆ្នាំ ២០១៧ វេលាម៉ោង ១៧និង០០ នាទី ។ ករណីទី៥ អំពើលួចមានស្ថានទម្ងន់ទោស (ឆក់កាបូបស្ពាយម៉ាកLV ពណ៌ សូកូឡា) ប្រព្រឹត្តនៅចំណុចមុខផ្ទះលេខ២១ ផ្លូវលេខ២៣៧ ក្រុម៣២ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ កាលពីថ្ងៃទី ២៤ ខែ កក្កដា ឆ្នាំ ២០១៨ វេលាម៉ោង ១២ និង ២០ នាទី ។ -ឃាត់ខ្លួនថ្ងៃទី ០២ ខែ សីហា ឆ្នាំ ២០១៨ វេលាម៉ោង ១៤ និង ០០ នាទី នៅចំណុចភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ និងចាប់យកវត្ថុតាង និងភស្តុតាងជារបស់ជនរងគ្រោះមានដូចខាងក្រោម ៖ ជនសង្ស័យឃាត់ខ្លួនបាន ទី១-ឈ្មោះ ហូ ផាន់ណា ភេទ ប្រុស អាយុ ១៩ ឆ្នាំ ជនជាតិខ្មែរ -មុខរបរ មិនពិតប្រាកដ-ស្នាក់នៅផ្ទះគ្មានលេខ ផ្លូវ៣៦៩ ភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។ ចំណែកវត្ថុតាងជាមធ្យោបាយធ្វើសកម្មភាពដែលចាប់យកបាន មាន ៖ ម៉ូតូម៉ាក SUZUKI NEX ពណ៌ស ឆ្នាំផលិតផលិត ២០១៤ លេខតួ ៣១៥០០២ លេខម៉ាស៊ីន ៣១៤៧៩២ ពាក់ស្លាកលេខ ភ្នំពេញ ១DC ៥៨២១ ។ ដោយឡែកភស្តុតាងជារបស់រងគ្រោះ មានដូចជា៖ -ទូរសព្ទ័ដៃម៉ាកIPhone5s ពណ៌ ស ស៊ីម កាតលេខ ០១២ ៨២៩៤៨២,កាបូបស្ពាយម៉ាកLV ពណ៌ សូកូឡា ចំនួន ០១ ,កាបូបលុយ ពណ៌ សូកូឡា ចំនួន ០១ និងសោរបងផ្ទះប្រើតេឡេ ចំនួន ០១ ជារបស់ជនរងគ្រោះឈ្មោះ សៅ ស៊ីណា ។ -កាបូបយួរដៃមនុស្សស្រីចំរុះពណ៌ ចំនួន ៤៨ មានដូចជា៖ កាបូបស្ពាយចំនួន ១២ /-កាបូបដៃចំនួន ១២ /-សោឡានចំនួន ០៥ /-សោម៉ូតូចំនួន ០២ ដែលសំភារៈខាងលើសុទ្ធតែជារបស់ជនរងគ្រោះដែលជនសង្ស័យបានធ្វើសកម្មភាពឆក់កន្លងមក ជនរងគ្រោះ -ឈ្មោះ សៅ ស៊ីណា ភេទ ប្រុស អាយុ ៣៣ ឆ្នាំ ជនជាតិ ខ្មែរ -ស្នាក់នៅផ្ទះលេខ ៤៩៨ ផ្លូវលេខ២៧១ សង្កាត់បឹងទំពុន១ ខណ្ឌមានជ័យ រាជធានីភ្នំពេញ-មុខរបរ នគរបាលជាតិ សម្ភារៈបាត់បង់មាន ៖ -អាវុធខ្លីម៉ាកGLock ១៩ ពណ៌ ខ្មៅ លេខ BDZV១១៩ ផលិតនៅប្រទេសអូស្រ្តាលី -ទូរសព្ទ័ដៃចំនួន ០២គ្រឿងម៉ាក ណូគា(គ្មានលេខ) -ម៉ាកIPhone5s ពណ៌ ស ស៊ីម កាតលេខ ០១២ ៨២៩៤៨២ -បណ្ណ័សម្គាល់ខ្លួនមន្រ្តីនគរបាល -បណ្ណ័បើកបររថយន្ត -ប័ណ្ណសម្គាល់យានយន្ត -អត្តសញ្ញាណបណ្ណ័សញ្ជាតិខ្មែរ១សន្លឹក -លុយចំនួន ៣០០ ដុល្លារអាមេរិក ។ ករណីទី៦ អំពើលួចមានស្ថានទម្ងន់ទោស (ឆក់កាបូបស្ពាយ ពណ៌ ខ្មៅ ) ប្រព្រឹត្តនៅចំណុចមុខហាង ពិភពម៉ូត ផ្លូវលេខ១៩ សង្កាត់ជ័យជំនៈ ខណ្ឌដូនពេញ រាជធានីភ្នំពេញ កាលពីថ្ងៃទី ០១ ខែ សីហា ឆ្នាំ ២០១៨វេលាម៉ោង ២២ និង ៣០ នាទី ជនរងគ្រោះមានឈ្មោះ CHALOU CLARA ភេទ ស្រី អាយុ ២៨ ឆ្នាំ ជនជាតិ បារាំង​-កាន់លិខិតឆ្លងដែនលេខ ១៨DC៦៩៥៨០ ចុះថ្ងៃទី ១១ ខែ ឧសភា ឆ្នាំ ២០១៨ -ស្នាក់នៅបន្ទប់លេខ៦ ផ្ទះសំណាក់ឡេស៊ីកេកូ ផ្លូវលេខ២៥៨ សង្កាត់ចតុមុខ ខណ្ឌដូនពេញ រាជធានីភ្នំពេញ -មុខរបរ ទេសចរណ៍ សម្ភារៈបាត់បង់មានដូចជា ៖ -កាបូបស្ពាយ ពណ៌ខ្មៅ ចំនួន ០១,លិខិតឆ្លងដែនលេខ ១៨DC៦៩៥៨០ ចំនួន ០១,កាតធនាគារ ចំនួន ០១,ប័ណ្ណបើកបររថយន្តប្រទេសបារាំង ចំនួន ០១,ទូរសព្ទ័ដៃម៉ាកIPhone5s ពណ៌ ស ចំនួន ០១,ប្រាក់ដុល្លារចំនួន ៦០ ដុល្លារអាមេរិក ។ ករណីទី៧ អំពើលួចមានស្ថានទម្ងន់ទោស (ឆក់ទូរសព្ទ័ដៃម៉ាកIPhone 8 plus ពណ៌ទឹកមាស ) ប្រព្រឹត្តនៅចំណុចក្បែរបញ្ជាការដ្ឋានកងរាជអាវុធហត្ថខណ្ឌទួលគោក ផ្លូវលេខ១៨២ ក្រុមទី២២ ភូមិ៨ សង្កាត់ទឹកល្អក់២ ខណ្ឌទួលគោក រាជធានីភ្នំពេញ កាលពីថ្ងៃទី ២៨ ខែ កក្កដា ឆ្នាំ ២០១៨ វេលាម៉ោង ២០ និង ៣០ នាទី ។ ករណីទី៨ អំពើលួចមានស្ថានទម្ងន់ទោស (ទូរស័ព្ទដៃម៉ាក អាយហ្វូន ៦ ផ្លឹស ពណ៌ ទឹកមាស ) ប្រព្រឹត្តនៅចំណុចមុខវិទ្យាល័យ ជា ស៊ីម សាមគ្គី ផ្លូវលេខ ២៧១ សង្កាត់ បឹងសាឡាង ខណ្ឌ ទួលគោក រាជធានីភ្នំពេញ កាលពីថ្ងៃទី២៤ ខែកក្កដា ឆ្នាំ២០១៨ វេលាម៉ោងប្រហែល ១៨ និង ០០ នាទី ។ ជនសង្ស័យទី១-ឈ្មោះ ទន់ អង្គាបុត្រ ភេទ ប្រុស អាយុ ២៥ ឆ្នាំ ជនជាតិ ខ្មែរ-មុខរបរ មិនពិតប្រាកដ​ -ស្នាក់នៅផ្ទះលេខ៥ ផ្លូវលេខ២១០ ភូមិ៤ សង្កាត់ឃ្មួញ ខណ្ឌសែនសុខ រាជធានីភ្នំពេញ និងទី២-ឈ្មោះ កែវ សុខវិសាល ភេទ ប្រុស អាយុ ២២ ឆ្នាំ ជនជាតិ ខ្មែរ -មុខរបរ មិនពិតប្រាកដ -ស្នាក់នៅផ្ទះលេខ៧ ផ្លូវលេខ១៤ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ដោយឃាត់ខ្លួននៅថ្ងៃទី ០៣ ខែ សីហា ឆ្នាំ ២០១៨ វេលាម៉ោង ១៥ និង ០០ នាទី ចំណុចបន្ទប់លេខ៤០១ ផ្ទះសំណាក់ តារាម៉ូឌែនពេជ្រ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ ។ ចំណែកវត្ថុតាងចាប់យកជាមធ្យោបាយធ្វើសកម្មភាពមានដូចជា ៖ ម៉ូតូម៉ាក SUZUKI NEX ពណ៌ សខៀវ លេខតួ ៣០៣៦៩៥ លេខម៉ាស៊ីន ៣០៣៦៦៦ ពាក់ស្លាកលេខ ភ្នំពេញ ១FY-៨២០៣ , ទូរសព្ទ័ដៃម៉ាកណូគៀ២៣០ ពណ៌ខ្មៅ ចំនួន ០១ ,ទូរសព្ទ័ដៃម៉ាកសាំសុង ពណ៌ស ចំនួន ០១ និងខ្សែដៃលោហធាតុ ពណ៌ លឿងស (ក្លែងក្លាយ) មួយខ្សែ ចា ។​-ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ ២០១៨ លេខតួ-លេខម៉ាស៊ីន១៣៦៧០៨ ពាក់ស្លាកលេខត្បូងឃ្មុំ១E-៩១១៨ , ទូរសព្ទ័ដៃម៉ាកណូគៀ ពណ៌ ស ស៊ីមកាតលេខ ០៩៣ ៦៩៣៩៩២ ,-ដាវចំនួន ០២ ដើម ។ ដោយភស្តុតាងជារបស់រងគ្រោះមានដូចជា-កូនកាបូបស្ពាយ ពណ៌ខ្មៅ ចំនួន ០១ , លិខិតឆ្លងដែនលេខ ១៨DC៦៩៥៨០ ចំនួន ០១ ជារបស់ជនរងគ្រោះឈ្មោះ CHALOU CLARA ភេទ ស្រី អាយុ ២៨ ឆ្នាំ ជនជាតិ បារាំង ។ ករណីទី៩ ប្រើប្រាស់ដោយខុសច្បាប់នូវ សារធាតុញៀន ប្រព្រឹត្តនៅចំណុចបន្ទប់លេខ៤០១ផ្ទះសំណាក់ តារាម៉ូដែលពេជ្រ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ កាលពីថ្ងៃទី ០៣ ខែ សីហា ឆ្នាំ ២០១៨ វេលាម៉ោង ១៥ និង ០០ នាទី -ឃាត់ខ្លួននៅថ្ងៃទី ០៣ ខែ សីហា ឆ្នាំ ២០១៨ វេលាម៉ោង ១៥ និង ០០ នាទី ចំណុចបន្ទប់លេខ៤០១ ផ្ទះសំណាក់ តារាម៉ូឌែនពេជ្រ សង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ ។ ដោយជនសង្ស័យមានឈ្មោះ ទី១- ឈ្មោះ ហេង ដារ័ត្ន ភេទ ប្រុស អាយុ ២៥ ឆ្នាំ ជនជាតិ ខ្មែរ មុខរបរ មិនពិតប្រាកដ -ស្នាក់នៅផ្ទះលេខ ៥៣៩ ផ្លូវលេខ១២៨ សង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ ។​ ចំណែកវត្ថុតាងចាប់យកមានដូចជា៖ -ម្សៅក្រាមពណ៌សថ្លា មួយកញ្ចប់តូច , ឧបករណ័កែច្នៃសម្រាប់ប្រើប្រាស់គ្រឿងញៀន ចំនួន ០១ ,ដែកកេះចំនួន ២ ចាប់យកពីឈ្មោះ ហេង ដារ័ត្ន។ បច្ចុប្បន្នជនសង្ស័យទាំង០៤នាក់ និង វត្ថុតាងពាក់ពន្ធ័បទល្មើសខាងលើ កម្លាំងនៃការិយាល័យ បានកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធីច្បាប់ ៕