ភ្នំពេញៈ កាលពីវេលាម៉ោង២ៈ៤០នាទី រំលងអាធ្រាត្រឈាន ចូលថ្ងៃទី៣ ខែសីហា ឆ្នាំ ២០១៨ មានករណី ជនប្រដាប់ អាវុធ៣នាក់ ធ្វើសកម្មភាពភ្ជង់ប្លន់ម៉ូតូ ពីជនរងគ្រោះ ឈ្មោះ រ៉ន ស្រីនីត ប្លន់យកម៉ូតូស៊ុយសូគីលេត ពណ៌ក្រហម ស ពាក់ស្លាកលេខ កណ្តាល ១Z ២៤០៣ នៅចំណុចផ្លូវមុនីរ៉េតកែងផ្លូវម៉ៅសេទុងសង្កាត់ទំនប់ទឹក ខណ្ឌចំការមន។ ភ្លាមៗជនរងគ្រោះបាន ទៅប៉ុស្តិ៍ដាក់ពាក្យបណ្ដឹងដើម្បីអោយសមត្ថកិច្ចស្រាវជ្រាវរកជនល្មើស។

រហូតមកដល់ថ្ងៃទី៥ ខែសីហា ឆ្នាំ២០១៨នេះ សមត្ថកិច្ចនគរបាល ព្រហ្មទណ្ឌ ខណ្ឌចំការមន សហការជាមួយ នគរបាល ប៉ុស្តិ៍សង្កាត់ ទំនប់ទឹក បានចាប់ខ្លួនចោរប្លន់២នាក់ ជាបន្តបន្ទាប់ ក្រោយពីមានពាក្យបណ្តឹង របស់ស្រ្តីរងគ្រោះបាននិយាយថា មានក្រុមចោរប្រដាប់អាវុធខ្លី រួចក៏បើការ ស៊ើបអង្កេតសហការជាមួយនគរបាលប៉ុស្តិ៍សង្កាត់ទំនប់ទឹក រហូតដល់ថ្ងៃទី៥ ខែសីហា ឆ្នាំ២០១៨ ក៏ឈានដល់ឃាត់ជនសង្ស័យមានឈ្មោះ រ៉ាត់ វណ្ណី អាយុ៣៦ឆ្នាំ មុខរបរ សន្តិសុខឯកជន ស្នាក់នៅសង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ នៅចំណុច ផ្លូវសប៊ិត សង្កាត់ទន្លេបាសាក់ ហើយសាកសួរនាំជនសង្ស័យ បានទទួលស្គាល់ បានប្រព្រឹត្ត ប្លន់ប្រដាប់អាវុធ ដកកាំភ្លើងម៉ាកកា៥៤ភ្ជង់ប្លន់យកម៉ូតូពីស្រ្តីរងគ្រោះ។ និងជនសង្ស័យម្នាក់ ទៀតឃាត់ ពីបទទទួលលផលចោរកម្មទិញ ម៉ូតូដោយ គ្មានឯកសារ ដើម្បីកសាងសំណុំរឿង បញ្ជូលទៅតុលាការ ដើម្បីចាត់ការបន្ត តាមនីតិវិធីតាម ផ្លូវច្បាប់ ៕