ទីក្រុងជីកាហ្គោៈ កាលពីថ្ងៃទី៥ ខែសីហា ឆ្នាំ២០១៨ មានមនុស្ស៤៤នាក់ រងការបាញ់ប្រហារក្នុងរយៈពេល១៤ម៉ោង នៅទីក្រុងជីកាហ្គោអាមេរិក ក្នុងនោះមាន៥នាក់ស្លាប់។ នេះជាតួលេខខ្ពស់បំផុត ក្នុងពេលដែលអាមេរិក កំពុងប្រឈមនឹងការវិវាទជុំវិញការគ្រប់គ្រងអាវុធ។

ប៉ូលិសទីក្រុងជីកាហ្គោបានឲ្យដឹងថា ក្នុងរយៈពេល៣ម៉ោង ចាង់ពីម៉ោង១ៈ៣០នាទីព្រឹក ថ្ងៃទី៥ ខែសីហា មានករណីបាញ់ប្រហារ១០លើក បណ្តាលឲ្យមានអ្នករងរបួស៤០នាក់ ក្នុងនោះមាន២នាក់ស្លាប់។ ប្រធានការិយាល័យប៉ូលីសយាមល្បាត ទីក្រុងជីការហ្គោលោក Fred Waller បានឲ្យដឹងថា ទីក្រុងជីការហ្គោបានឆ្លងកាត់នូវអំពើហិង្សាពេលមួយយប់។ ក្នុងករណីបាញ់ប្រហារមួយចំនួន គឺមានគោលដៅទុកជាមុនរបស់ក្រុម «បងធំ» ដណ្តើមទីក្រុងគ្រប់គ្រងនៅទីនោះ។ ប៉ុន្មានឆ្នាំចុងក្រោយនេះ ទីក្រុងជីកាហ្គោប្រឈមនឹងការបាញ់ប្រហារ ជាបន្តបន្ទាបទាំងនៅក្នុងសាលារៀនបណ្តាលឲ្យមានអ្នកស្លាប់ជាច្រើន។ អំពើហិង្សាពាក់ព័ន្ធនឹងកាំភ្លើងបានកើនឡើងខ្ពស់ ក្នុងរដូវក្តៅនេះ។ កាលពីថ្ងៃទី២៥ ខែមិថុនា ឆ្នាំ២០១៨ យ៉ាងហោចណាស់ ក៏មានមនុស្ស២១នាក់ រងការបាញ់សម្លាប់នៅទីក្រុងនេះ ក្នុងនោះមាន២នាក់ស្លាប់។ ហេតុការណ៍បាញ់ប្រហារកើតឡើងក្នុងពេល ដែលអាមេរិកប្រឈមនឹងវិវាទ ជុំវិញការគ្រប់គ្រងអាវុធជាតិផ្ទុះ។ តាមតួលេខបង្ហាញឲ្យឃើញថា ចាប់តាំងពីខែមករា ឆ្នាំ២០១៣ មកទល់ពេលនេះ មានករណីបាញ់ប្រហារ២៨០ករណី នៅទូទាំងអាមេរិក៕