បុរសជនជាតិជប៉ុនពីរនាក់ រស់នៅប្រទេសកម្ពុជា គាត់តែងតែរើសសម្រាម នឹងវិចខ្ចប់សម្រាមនៅតាមដងផ្លូវសាធារណ:រៀងរាល់ថ្ងៃដោយការស្មគ្រ័ចិត្ត...(មានវីដេអូ)

កាលពីថ្ងៃម្សិលមិញ មានបងប្រុសម្នាក់បានធ្វើការបង្ហោះវីដេអូ និងរូបភាព ពីសកម្មភាពបុរសជនជាតិជប៉ុនពីរនាក់ ធ្វើការបោសសំអាតតាមដងផ្លូវ ជារៀងរាល់ថ្ងៃ។ ម្ចាស់គណនីហ្វេសប៊ុកខាងលើបានរៀបរាប់ថា "ពួកគាត់ជាជនជាតិជប៉ុនរស់នៅប្រទេសកម្ពុជា គាត់តែងតែរើសសម្រាម នឹងវិចខ្ចប់សម្រាមនៅតាមដងផ្លូវសាធារណ:រៀងរាល់ថ្ងៃដោយការស្មគ្រ័ចិត្ត។ ពួកគាត់ទាំងពីរស្នាក់នៅបុរីសន្ដិភាព២ ភូមិ៦ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ"។ យ៉ាងណាមិញក៏មានអ្នកចូលមកខមិនជាច្រើន ដោយមានម្ចាស់គណនីហ្វេសប៊ុកមួយដែលឈ្មោះថា "ណាល់ បូណ៌នីតា ឃុន " បានលើកឡើងថា "ចប់ហើយនៅមុខផ្ទះខ្លួនមិនសំអាតទុកអោយជនជាតិសំអាតវិញខ្មាស់គេទេ" និងមានម្ចាស់គណនីផ្សេងទៀតបានចូលមកខមិនថា "មិនចេះខ្មាស់គេសោះខ្មែរអើយ"។