ពិតណាស់ ក្នុងនាមជាតារាសម្តែង និងតារាចំរៀងដល់ល្បីឈ្មោះ តែងតែរវល់និងការងារជាច្រើន ដែលនៅជុំវិញខ្លួន ដូចនេះហើយអ្នក តែងតែត្រូវការនណារម្នាក់ចាំមើលការខុសត្រូវ ដើម្បីសម្រួលដល់ការងារមួយចំនួន ក្នុងពេលចេញទៅសម្តែង ឬច្រៀង។ ជាក់ស្តែងដូចជា កំពូលតារាចម្រៀងប្រចាំផលិតកម្មរស្មីហង្សមាស លោក ឆន សុវណ្ណរាជ ក៏មានមនុស្សស្រីម្នាក់តែងតែដើរតាមមើលការខុសត្រូវ និងរៀបចំឲ្យលោកជានិច្ច ហើយពួកគេទាំងពីរតែងតែបង្ហាញភាពស្និតស្នាលក្នុងទំនាក់ទំនងស៊ីជម្រៅ រហូតធ្វើឲ្យមហាជន និងអ្នកគាំទ្ររបស់លោកខ្លះ យល់ច្រលំថាអ្នកទាំងពីរមានចិត្តលើគ្នាទោវិញទៅមកទៀតផង។

ប៉ុន្តែអ្វីគ្រប់យ៉ាង មិនដូចជាគិតរបស់មហាជននោះទេ តាមពិតទៅ នារីដែរដើរតាមមើលការខុសត្រូវ ឲ្យ លោក ឆន សុវណ្ណរាជ គឺជាប្អូនស្រី ជាទីស្រលាញ់របស់លោកទៅវិញទេ ហើយនេះគឺជាការពិតតាមរយៈរូបថតដែលប្អូនស្រីរបស់លោក បានបង្ហោះដោយសរសេរពាក្យបង្ហាញក្តីស្រលាញ់បែបនេះថា: បងប្រុសជាមនុស្សតែម្នាក់ដែលតែងតែនៅក្បែរ និងលើកទឹកចិត្តដល់ខ្ញុំ អរគុណគ្រប់យ៉ាង ស្រលាញ់បងប្រុសខ្លាំងណាស់។