កំពង់ចាមៈ ​នៅព្រឹកថ្ងៃទី១២ ខែសីហា ឆ្នាំ២០១៨​​ នៅភូមិព្រែកដើមចាន់ សង្កាត់សំបួរមាស ក្រុងកំពង់ចាម ខេត្តកំពង់ចាម មានហេតុការណ៏ឆ្លងចរន្តអគ្គិសនី ឆាបឆេះសាលមហោស្រព ព្រះសីហមុនី្ន ក្នុងទីរួមខេត្តកំពង់ចាម បណ្តាលឲ្យរងការ ខូចខាតសម្ភារៈមួយចំនួនធំ។

​នៅក្នុងហេតុការណ៍នោះលោក គួច ចំរើន អភិបាល នៃគណៈអភិបាលខេត្តកំពង់ចាម បានបញ្ជាឲ្យកម្លាំង ពន្លត់អគ្គិសភ័យ ធ្វើការអន្តរាគមន៍ បាញ់ពន្លត់បានទាន់ពេលវេលា ប្រកបដោយសុវត្តិភាព មិនប៉ះពាល់ដល់ ទីតាំងផ្សេងនោះទេ​។​ ក្រោយពីការបាញ់ពន្លត់ សមត្ថកិច្ចបានឲ្យដឹងថា ការខូចខាត សំភារៈដូចខាងក្រោម​៖ ឆេះកៅអី ដែកពូកចំនួន៨៥កៅអី ឆេះនិងខូចខាតពិដានម្នាង សិលាខាងលើទាំងស្រុង១០០% ឆេះជញ្ជាំងកាំម្ញីមួយចំហៀង ទាំងស្រុង ឆេះទ្វារឈើចេញចូលចំនួន ២សន្លឹក ៕ ​