ឥទ្ធិពលថ្នាំញៀន!!! នារីបរទេសម្នាក់ ទំនងបែកថ្នាំដើរកណ្ដាលផ្លូវ​ ចេញពីម្ដុំវត្តភ្នំ​ ដើរគ្រប់ខណ្ឌក្នុងរាជធានីភ្នំពេញ ផ្អើលប៉ូលីស និងអ្នកកាសែតជាង១០នាក់ ដេញតាមចាប់ឡើងបែកញើស.....(មានវីដេអូ)
-

ភ្នំពេញៈ នៅវេលាម៉ោង៣ទាបភ្លឺ​ ឈានចូលថ្ងៃ​ទី១៤​ ខែសីហា​ ឆ្នាំ២០១៨នេះ មានប្រជាពលរដ្ឋ បានប្រទះឃើញនារីបរទេសម្នាក់ សង្ស័យថាបែកថ្នាំ បានដើរ​ជើងទទេ​កណ្ដាលថ្នល់រហូតទាល់តែរលាតដាច់ស្បែកបាតជើង ចេញឈាម ទាំងមើលទៅ​រវើរវាយ​ តាំងពីម្ដុំវត្តភ្នំ​ ខណ្ឌដូនពេញ។​ រួចបត់តាមបណ្ដោយផ្លូវព្រះមុនីវង្ស រហូតដល់ព្រំប្រទល់​ខណ្ឌ៧មករា និងបានរាយការណ៍ប្រាប់សមត្ថកិច្ចបន្តបន្ទាប់ដែរ​ តែគាត់មិនអាចជួយអ្វីបាន​ ក្រៅពីជិះតាមមើល​នាងដើរកណ្ដាលថ្នល់នឹងរួចបត់ឡើងមកផ្លូវព្រះព្រះសីហនុ ខណ្ឌចំការមន​ រហូតបណ្ដោយអោយដើរដល់វិមានឯករាជ្យ ហើយដើរទៅតាមផ្លូវព្រះនរោត្តមវិញ រហូតទៅដល់ស្តុបចំការមន និងបន្តដើរទៅរហូតដល់ស្ពានអាកាសក្បាលថ្នល់ រួចរត់សំដៅឡើងទៅលើស្ពានព្រះមុនីវង្ស (ស្ពានច្បារអំពៅថ្មី) ។

ពេលនោះក្រុមអ្នកសារព័ត៌មានជិត១០នាក់​ ងាកមើលមុខគ្នា រួចនាំគ្នាចុះពីលើម៉ូតូរត់ចូលទៅដេញចាប់ ធ្វើអោយក្រុមអ្នកសារព័ត៌មាន នឹងប្រជាពលរដ្ឋអ្នកដំណើរឆ្លងកាត់ មានការភ័យតក់ស្លុតយ៉ាងខ្លាំង ខណៈដែលនៅកណ្ដាលស្ពាន ទើបនាំគ្នាបានលួងលោមនាង តែនាងក៏ស្ទុះរត់ចុះទៅដល់ក្រោមស្ពាន​ ក្រុមអ្នកសារព័ត៌មានក៏បានទិញទឹកអោយ​ តែនាងមិនព្រមផឹក ហើយបន្តរត់ទៅមុខផ្សារច្បារអំពៅ ផ្អើលទាំង​អាជីវករ​ឈរមើលនាង នាងកាន់តែរត់ទៅទៀតរហូតជិតដល់ច្រាំងប្រាក់ សង្កាត់ច្បារអំពៅ២ ខណ្ឌច្បារអំពៅ​ ត្រូវក្រុមអ្នកសារព័ត៌មានព្យាយាមលួងលោមនាងទៀត តែនៅតែមិនស្តាប់​ និងមានសមត្ថកិច្ចម្នាក់មកដល់ដែរ ទើបក្រុមអ្នកសារព័ត៌មានសម្រេចសុំសមត្ថកិច្ចដេញចាប់នាង ប្រផាប់ចាប់ប្រភីងពេញផ្លូវម្ដុំច្រាំងបាក់ហ្នឹង ទាំងមានបងប្រុសម្នាក់ជួយចាប់បានហើយយកខ្សែចងជើងសិន​ ព្រោះទៅមុខទៀតមានតែចុះទឹកទន្លេ​ តែនាងស្រែក​ រើបម្រះ​ស្រាយខ្សែចេញ​ ហើយអង្គុយមើលមុខគ្នា​ ទាំងអ្នកជួយចាប់​ ទាំងក្រុមអ្នកសារព័ត៌មាន​ និងនារីបរទេសនោះ​ ដោយសារតែហត់​រៀងៗខ្លួន​ ។ ក្រោយមកក្រុមអ្នកសារព័ត៌មាននិងសមត្ថកិច្ចនៅសង្កាត់ច្បារអំពៅ២ បានហៅកង់បីមក​អោយដឹកនាងទៅ​ នាយកដ្ឋាន​អន្តោប្រវេសន៍ ៕