រាជធានីនំពេញ៖ អ្នកវិភាគនយោបាយ និងសង្គម លោក គឹម សុខ ត្រូវបានតុលាការដោះលែងចេញពីពន្ធនាគារព្រៃសហើយ នៅព្រឹកថ្ងៃទី១៧ ខែសីហា ឆ្នាំ២០១៨ វេលាម៉ោង០៩ និង៤០នាទីព្រឹកថ្ងៃសុក្រនេះ។

មន្ដ្រីជាន់ខ្ពស់សាលាដំបូងរាជធានីភ្នំពេញ បានបញ្ជាក់ថា «ត្រូវហើយលោក គឹម សុខ ត្រូវបានតុលាការដោះលែងឲ្យចេញពីពន្ធនាគារនៅថ្ងៃនេះ ក្រោយអនុវត្តការជាប់ទោសដល់ថ្ងៃកំណត់»។ លោក គឹម សុខ ជាអ្នកវិភាគសង្គម កាលពីរសៀល​ថ្ងៃ​ទី​១០ ខែ​សីហា ឆ្នាំ២០១៧ ត្រូវបានចៅក្រម​ជំនុំជម្រះសាលាដំបូង​រាជធានី​ភ្នំពេញ លោក គី ប្ញទ្ធី សម្រេច​ផ្ដន្ទាទោសដាក់​ពន្ធនាគារ​ចំនួន ១៨​ខែ និង​ពិន័យ​ប្រាក់ចំនួន ៨​លាន​រៀល រួម​នឹង​ប្រាក់​សង​ជំងឺ​ចិត្ត​ដល់​ដើមបណ្តឹង ៨០០​លាន​រៀល ក្រោមការចោទប្រកាន់ពី​បទ​ញុះញង់​ឲ្យ​មាន​បទឧក្រិដ្ឋ​ជាអាទិ៍។ ការផ្តន្ទាទោសនេះ ធ្វើឡើងបន្ទាប់ពីលោក គឹម សុខ បានញុះញង់ និងបរិហារកេរ្តិ៍គណបក្ស​ប្រជាជន​កម្ពុជាថា ​នៅ​ពី​ក្រោយ​ឃាតកម្ម​លោកបណ្ឌិត កែម ឡី ។ លោក គឹម សុខ ក៏បានបន្តទៀតថា លោកនៅតែ"ខ្ញុំនឹងធ្វើរឿងរបស់ខ្ញុំ តាមឆន្ទៈរបស់ខ្ញុំបន្តទៀត ដែលជាបេសកកម្មនិងកាតព្វកិច្ច"។ លោកបានប្រាប់ថា "ហើយនេះជារឿងយុត្តិធម៌ក្នុងមួយជីវិតរបស់ខ្ញុំ"។ ដោយ៖ និស្ស័យ