នៅក្នុងវីដេអូមួយដែលបង្ហាញពីមង្គលការមួយដែលឪពុកបានជិះឡានពេទ្យដើម្បីមកចូលរួមមង្គលការកូនស្រី ព្រោះតែឪពុកមានជម្ងឺប្រចាំកាយ សុខចិត្តដេកលើរទេះរុញរបស់ពេទ្យ ដើម្បីបណ្តើរកូនស្រីរបស់គាត់ ចូលក្នុងពិធីមង្គលការរបស់នាង ហើយរឿងរ៉ាវនេះបានធ្វើអោយមហាជនជាច្រើន រំជួលចិត្តយ៉ាងខ្លាំង។

គួរបញ្ជាក់ផងដែរថាបុរសដែលមានជម្ងឺមានឈ្មោះថា Pedro Villarin មានអាយុ 65ឆ្នាំ លោកមានជម្ងឺមហារីកថ្លើមដំណាក់កាលចុងក្រោយ មិនអាចព្យាបាលបានឡើយ រង់ចាំតែថ្ងៃស្លាប់តែប៉ុណ្ណោះ។ លោកបានបន្តទៀតថាក្តីប្រាថ្នាចុងក្រោយរបស់លោក គឺបានចូលរួមពិធីមង្គលការកូនស្រីរបស់គាត់ ហើយដើម្បីសម្រាកក្តីប្រាថ្នាចុងក្រោយរបស់ឪពុក នាងបានសម្រាចចិត្តរៀបចំមង្គលការ ហើយបានអោយឪពុកសម្រាកលើគ្រែពេទ្យ និងកាន់ដៃនាងរហូតដល់កន្លែងដែលនាងត្រូវរៀបការ។ បីថ្ងៃបន្ទាប់ពីថ្ងៃរៀបការរបស់កូនស្រី លោកឪពុករបស់នាង ក៏បានលាចាកលោក ហើយរឿងរ៉ាវនេះកាន់តែធ្វើអោយមហាជនជាច្រើន មានការអាណិតអាសូរជាខ្លាំង ៕