ទ្រាំលែងបានហើយ!!! រថយន្តកុងតឺន័រ សណ្ដោងរម៉ក់១គ្រឿង ងងុយគេងពេក ទ្រាំលែងបានជិះចុះទឹកទន្លេវ៉ៃគោ លុបមុខតិច ផ្អើលអ្នកស្ទូចត្រី និងអ្នកលក់ដូរ នៅក្បែរមាត់ទន្លេរត់ចែកជើងគ្នាសឹងមិនទាន់
ស្វាយរៀងៈ កាលពីរសៀលថ្ងៃទី២០ ខែសីហា ឆ្នាំ២០១៨ម្សិលមិញនេះ មានករណីគ្រោះថ្នាក់ចរាចរណ៍មួយ បានបង្កឡើងដោយសាររថយន្តកុងតឺន័រ១គ្រឿង បើករ៉េចង្កូតធ្លាក់ក្នុងទឹកទន្លេវ៉ៃគោ សង្ស័យងងុយដេក ធ្វើឲ្យអ្នកស្ទូចត្រី និងអ្នកលក់ដូរ នៅក្បែរទន្លេវ៉ៃគោ រត់ចែកជើងគ្នាសឹងមិនទាន់ ហេតុការណ៏នេះស្ថិតនៅលើផ្លូវជាតិលេខ១ ចំណុចគល់ស្ពានហាយវ៉េ ភូមិបាក់រនាស់ សង្កាត់សង្ឃ័រ ក្រុងស្វាយរៀង។
អ្នកឃើញហេតុការណ៍បានឲ្យដឹងថា មុនកើតហេតុរថយន្តបង្កបើកទិសខាងកើតទៅលិចក្នុងល្បឿនលឿន រួចរេចង្កូតពេញថ្នល់ធ្វើឲ្យអ្នកធ្វើដំណើរតាមដងផ្លូវភ័យ បើកគេចព្រលឹងចុងសក់។ បន្ទាប់មករថយន្តបង្កបានរេចង្កូតមកខាងឆ្វេងបុករះរបាំងស្ពានប្រវែង៤០ម៉ែត្រ ជ្រុលបុកម៉ូតូមួយគ្រឿង អូសធ្លាក់ចូលក្នុងទឹកទន្លេវ៉ៃគោតែម្តង។ ក្រោយកើតហេតុ សមត្ថកិច្ចបានចុះអន្តរាគមន៍ បញ្ចៀសការកកស្ទះ៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។