ប្រទេសថៃៈ ពុកម៉ែ បងប្អូន ប្រហែលជាមិនទាន់ភ្លេចបានទេ នៅកម្លោះសង្ហាម្នាក់នេះ បើនិយាយពីកម្លោះម្នាក់នេះ មហាជនមួយចំនួនប្រហែលជាមិនទាន់ភ្លេចទេ នៅមុខមាត់ដ៏អាក្រក់របស់គាត់ តែដោយសារកម្មវិធីមួយ មានឈ្មោះថា Let Me In Season 3 BIG CHANGE បានធ្វើឲ្យលោក Noppajit Monlin បានផ្លាស់ប្តូរពីមុខមាត់ដ៏សែនអាក្រក់ មកជាបុរសដ៏សង្ហាម្នាក់ ដែលធ្វើឲ្យអ្នកទាំងអស់គ្នាមើលសឹងតែមិនស្គាល់។

យ៉ាងណាមិញ រឿងរ៉ាវដែលធ្វើឲ្យលោកកាន់តែល្បី មិនមែនដោយសារតែលោកកែសម្ផស្សបានស្អាតខ្លាំងមួយមុខនោះទេ ក៏ប៉ុន្តែលោកបានបង្ហាញឲ្យមហាជនដឹងថា មុនពេលលោកមានរូបរាងស្អាតបែបនេះ លោកក៏មានមនុស្សជាទីស្រលាញ់របស់ខ្លួនជាភេទទី៣ ដែលស្រលាញ់គ្នាស្មោះជាយូរមកហើយ មិនត្រឹមតែប៉ុណ្ណោះ Noppajit Monlin ក៏បានធ្វើឲ្យមហាជនរំភើបចិត្ត នៅពេលដែលលោកបាននិយាយថា «ថ្វីត្បិតតែរូបសម្រស់ខ្ញុំបានប្តូរពិតមែន ប៉ុន្តែបេះដូងខ្ញុំនៅដដែលមិនផ្លាស់ប្តូរនោះទេ»។ ទោះជាយ៉ាងណាក្តី ក្រោយពីកន្លងហួសអស់រយៈពេលជាច្រើនខែក្រោយមក អ្វីៗបែរជាផ្ទុយស្រលះពីសម្តីរបស់ Noppajit ហើយ លោកបែរជាធ្វើរឿងដ៏មិនគួរឲ្យជឿក្បត់សង្សាររបស់ខ្លួនថែមទៀតផង។ ដោយបែកធ្លាយរូបភាពរបស់កម្លោះសង្ហា NoppaJit Monlin និយាយវីដេអូខលជាស្រីផ្សេង ហើយថែមទាំងបង្ហាញរូបអាក្រាតខ្លួន ឲ្យនារីម្នាក់នោះមើលថែមទៀតផង។ រឿងរ៉ាវមួយនេះ បានធ្វើឲ្យមហាជនអស់សង្ឃឹមនឹងលោកខ្លាំងមែនទែន ព្រោះលោកបានសន្យា ប្រាប់មហាជនថាលោក និងមិនក្បត់ចិត្តសង្សារខ្លួននោះទេ ក៏ប៉ុន្តែពេលនេះលោកបែរជាធ្វើរឿងដ៏គួរអាម៉ាស់ រហូតបែកធ្លាយមានការShareយ៉ាងគំហុក ពាសពេញបណ្តាញសង្គម ៕