ភ្នំពេញ៖ កាលពីថ្ងៃម្សិលមិញនេះ ក្រុមចោរមួយក្រុម មានគ្នាចំនួន៥នាក់ បានចូលប្លន់ ធនាគារ អ.អេច.ប៊ី ឥណ្ឌូឆៃណា (RHB Indochina Bank) ទាំងកណ្តាលថ្ងៃត្រង់ បង្កឲ្យមានការភ្ញាក់ផ្អើលយ៉ាងខ្លាំង ពេញទីក្រុងភ្នំពេញ។ នេះជាហេតុការមួយដែលកម្រមានណាស់ នៅក្នុងប្រទេសកម្ពុជា។ ទាក់ទងនិងការតាមប្រាញ់រកមុខសញ្ញាជនសង្ស័យផងនោះ សមត្ថកិច្ចដុតដៃ ដុតជើង ដើម្បីធ្វើការស់ើុបអង្កេត រកជនសង្ស័យនោះមកផ្តន្ទាទោសតាមច្បាប់។

លុះមកដល់ព្រឹកថ្ងៃទី ២៤ ខែសីហា ឆ្នាំ២០១៨ មានកិច្ចសម្ភាសន៍ផ្ទាល់ ជាមួួយសន្តិសុខដែលយាមនៅធនាគារកើតហេតុ ពេលដែលក្រុមចោរចូលមកដល់ គាត់បាននិយាយទៅមនុស្សមួយក្រុមនោះថា សុំមេត្តាដោះមួកចេញ រំពេចនោះស្រាប់តែក្រុមចោរ បានដកកាំភ្លើងភ្ជង់ ហើយសម្រុកដើរចូលក្នុងធនាគា កុំស្រែគឲ្យសោះ នៅឲ្យស្ងៀម បើមិនចង់ស្លាប់។ ពេលនោះគាត់ពិតជាភ័យណាស់ ព្រោះមិនដែលជួបប្រទះរឿងនេះពីមុនមក ណាមួយគាត់គ្មានអ្វីទៅតដៃជាមួយក្រុមចោរនោះទេ បានត្រឹមតែស្តាប់បញ្ជាវាតែប៉ុណ្នោះ។ គួរបញ្ជាក់ផងដែរថា ករណីប្លន់នេះ មិនបានបង្កឲ្យបុគ្គលិកធនាគាររងរបួសអ្វីនោះទេ ប៉ុន្តែ ទឹកប្រាក់ប្រមាណជា ១០ម៉ឺនដុល្លារត្រូវបានរាយការណ៍ថាត្រូវក្រុមជនល្មើសប្លន់យកទៅ បានសម្រេច ចំនែកឯសាខានៅធនាគារកើតហេតុបានបិទទ្វារ ដើម្បីធ្វើការស៊ើបអង្កេត ស្វែងរកជនដៃដល់យកមកផ្តន្ទាទោស ខណៈដែលពុំទាន់រកអត្តសញ្ញាណក្រុមចោរនោះឃើញនៅឡើយទេ។ ហេតុការណ៍នេះបានកើតឡើង កាលពីម៉ោង ប្រមាណជា១រសៀល ថ្ងៃទី២៣ សីហា នៅមុខ សាលាវ៉ាន់ដា ស្ថិតនៅតាមបណ្តោយផ្លូវ ម៉ៅសេងទុង សង្កាត់ សង្កាត់ទំបន់ទឹក ខណ្ឌចំកាមន ។ សូមទស្សនាវីដេអូខាងក្រោម៖