ព្រះសីហនុៈ វេលាម៉ោងជិត៩ព្រឹក ថ្ងៃទី២៥ ខែសីហា ឆ្នាំ២០១៨ មានករណីគ្រោះថ្នាក់ចរាចរណ៍មួយ កើតឡើងរវាងរថយន្ត ១គ្រឿងម៉ាក SSANG YONG ពណ៌ស ពាក់ផ្លាកលេខ ភ្នំពេញ 2T-4080 បើកបរដោយឈ្មោះ ញ៉ែម សារ៉ុន ភេទប្រុស អាយុ ២៥ឆ្នាំ មានទីលំនៅស្រុកទន្លេបាទី ខេត្តតាកែវ។ មានអ្នករួមដំណើរម្នាក់ ភេទស្រី មានទិសដៅចូលក្រុងព្រះសីហនុ លុះដល់ចំណុចខាងលើក៏បុកពីខាងក្រោយរថយន្តកូរ៉េ (តួរីស) ១គ្រឿង ម៉ាក TITAN ពណ៌ខៀវ ពាក់ផ្លាកលេខភ្នំពេញ 2U-6403 បើកបរដោយឈ្មោះ ស្រ៊ាង ចែ ភេទ ប្រុស អាយុ ៤១ឆ្នាំ មានទីលំនៅឃុំព្រែកថ្មី ស្រុកកោះធំ ខេត្តកណ្ដាល។ មានទិសដៅស្របគ្នា បន្ទាប់មករថយន្តកូរ៉េបានខ្ទាតមកបុករបាំងពុះចែកទ្រូងផ្លូវ រួចបន្តទៅបុករថយន្តកុងតឺន័រ ១គ្រឿងទៀតម៉ាក VOLVO ពណ៌ស ពាក់ផ្លាកលេខភ្នំពេញ 3C-4496 ដែលខូចចតស្ងៀម អ្នកបើកបរឈ្មោះ ស៊ឹម វី ភេទប្រុស អាយុ ៣០ឆ្នាំ មានទីលំនៅខេត្តកំពង់ស្ពឺ។
